Shillong, 31 Naitung, 2026: Ka Khasi Students’ Union (KSU) Mawbah Unit, kawei na ki Shnat treikam jong ka KSU Mawprem Circle hynne ka sngi ka la pynlong ïa ka prokram ban Kyrshan Pule ne iarap pynsiew bai skul sha ki 40 ngut ki khynnah pule kiba na ka Skul Mawprem Presbyterian Secondary School kiba donkam khamtam kito kiba wan na ki longïing kiba kham duna ïa ka ïoh ka kot.

Kane ka long shi bynta na ka jingngangnud bad ka thong jong ka seng ban kyntiew ïa ka pule ka dangle bad ban ïarap ïa ki kmie ki kpa kiba mad ïa ki jingeh ha ka liang ka pisa. 

Ha Kane ka sngi, lah ïa don ryngkat lang Naduh u Samla Alerick Kharjana uba dei u Education Secretary, KSU Sengkmie, u Principal ka skul, uba dei u Babu Theo Laloo, u Rangbah Shnong ka Mawbah, u Bah Arisstone Thabah, ki Nongïalam ka KSU Mawprem Circle, naduh u Samla Badon kupar Nongbri, President KSU Mawprem Circle, U Samla Pynshngaiñ Lyngdoh Lyngkhoi, u Vice President ka KSU Mawprem Circle, u Education Secretary ka KSU Mawprem Circle, u Samla Basuklang N. Khongwar bad kiwei kiwei de ki Nongïalam na kiwei pat ki Shnat treikam.

Haba ai jingkren ha kane ka Sngi, na i Pricipal ka Mawprem Presbyterian Secondary School, i la ong ba na ka liang ka jong i bad ka skul ki dap da jing sngewnguh eh ïa ka KSU, ha kaba dang mynshem ruh na ka liang ka Seng ka la lah ban ai jingiarap kumba 20ngut ki khynnah skul bad mynta u snem pat ka jingiarap ka lah kynjoh sha ka 40ngut ki khynnah Pule.

Shuh shuh u la ong ba ka bai skul kaba ka skul ka la buh ïa ki khynnah skul kam dei ka bai skul kaba heh, ka bai skul ka long Sawspah Sanphew shi snem naduh Nursery bad Phra Spah ïa ki klas X.

Haba ai jingkren na u Rangbah Shnong ka Dorbar Shnong Mawbah, i Bah Arisstone Thabah, i lah ai ka jingiaroh ïa ka KSU Mawbah unit, kiba la lah ban pynurlong ïa kane ka jingthmu kaba bha ban ïarap ban kyrshan ïa ki khynnah Pule kiba wan shisha na ka longïng kiba duk, kiba donkam shisha ïa ka jingkyrshan ban bteng ïa ka pule ka dangle ka jong ki. 

Kum ka dorbar Shnong ngin ïa trei lang na ka por sha ka por na bynta ka khia ka shon jong ka Shnong bad jong ka Jaitbynriew hi baroh kawei. U lah pynpaw ruh ba kane Skul kadei kawei na ki skul ha kane ka dong ka thaiñ Mawprem kaba la ai ka jingshakri kaba bha tam sha ki khynnah bad kaba la ïoh ïa ka jingiaroh na ki nongshong shnong.

U lah kyntu ïa ki heprit bad ïa ki Samla kane ka skul ba kin nangtrei shitom ban minot thop ha ki kyrdan pule kaba ki don ba khnang kin wanrah ka burom ïa ka Skul, ïa ka ing ka sem, ïa ka shnong ka thaw bad ïa ka Jaitbynriew hi baroh kawei. 

Haba ai jingkren na ka liang u Education Secretary ka KSU Sengkmie u Samla Alerick Kharjana, u lah ong ba katno u dap da ka jingsngew kmen ba watla ka skul ka shim ia ka bai skul kaba rit na ba rit tam ruh hynrei u iohi ba skul ka ieng kumne pat. U la ong ha ba ka seng ka shim ia ine i Sienjam, i dei tang i symboh i ba rit na ba rit tam ba ka seng ka lah ban ai, hynrei kaba Kongsan hi na ka liang ka Seng ine i jing ai i long tang iei iei i dak ba nang ai mynsiem iaphi ki hep kiba rit, namar ka jingtrei shitom hi bunsien kam dei na ka jingioh ei hynrei da ka mon lade, ngi ngeit ba kum ki hep kiba rit kiba don hangne bad ki kmie ki kpa kiba ïa don ryngkat hangne, ngi kwah ba shimet shimet phin pyrkhat na bynta ka lawei da kaba ka iktiar hi bad ka jingkiew hi dei ka jingnang jingstad.

U la ong ba kum ka seng ngi don Shibun ki skul kaba ka KSU ka la Seng ha kylleng ki bynta jong ka bri u hynñiewtrep, kine ki skul baroh ki dei hi ki skul kiba ka union hi baroh kawei ngi don la ka jong ka jong ki mangement Committee, ba na ka liang ka Union ka la thaw ban pyniaid ïa ki, u la ong ba ngeit ba ha kane ka por kaba nyngkong duh nga kwah ban pynsngew ka long ba ha kine ki skul kiba ngi ai ïa ka jingshakri na bynta ka bha ka miat jong ki paradoh para snam jong ngi.

U lah ong ba ka KSU hi ka ju don ryngkat bad ki Para doh para snam ha kino kino ki jynjar kiba ki ïa shem, hynrei ka KSU ka kyntu sha phi ba phin don ryngkat bad ka Seng haba ïa dei bad kano kano ka issue haba ïa dei bad ka pule ka puthi haba ïa dei bad ka imlang ka sah lang ba phin don ryngkat bad ka Seng namar ka ishu kaba ka seng ka shim kadei hi na bynta ka ri bad ka Jaidbynriew. 

Shuh shuh u la ban ba ha kane ka thaiñ Upper Mawprem u lah iohi ba bun na ki khaïi pateng la bun ba la knieh noh da kiwei pat ki Jaitbynriew, te nga ngeit lyngba ka jingtrei shitom lyngba ka jingnang jingstad kum ki Samla bad ki hep kiba rit, ngi kwah ba phin pynkyntiew pat ïa ka ïing ka sem jong phi ban shakhri hok ïa ka ïing ka sem bad ïa ka ri bad ka Jaitbynriew hi baroh kawei.

Ha kane ka Sngi ruh Lah ioh ban aiti ïa ka Song Pisa sha i Principle ka Skul Mawprem Presbyterian Secendary School da u Education Secretary ka KSU Sengkmie u Samla Alerick Kharjana.