Hadien ba kiba bun ki Samla Trai Muluk ki la bynn̈iaw halor ka jingleh shi liang jong ka tnat Sport Authority of India da kaba ki la shah kyntait ban rung ha katei ka shlem ai jinghikai ha kibynta bapher-bapher katba kiwei pat ki Briew kiba wan na ki jylla bapher-bapher ki ioh ban rung ka la pynlong ia kitei ki samla ban phah da ka jingujor sha ka KSU ban pan jingiarap na ka Seng.

Ka Seng ruh mar synioh ia kane ka jingujor lyngba ka Sports & Cultural Cell ba la ialam da u Samla Eric Anthony Nongkynrih ha ka 4 Tarik u Jylliew 2025 ka leit ban kynduh mar khmat ia u Director ka SAI kaba don Ha NEHU ban pan jingshai na u halor ka jingioh rung bun ki khynnah na bar wat haba ka SAI ka don hapoh ka Jylla Meghalaya. Na ka liang utei u Director u la la pynshai bad ai daw ba ka bor baroh ka shong napoh Delhi kane ka la pynlong ia ka jingbym shai ka rukom jubab jong u.

Lada u Director uba don hangne um donbor ban iarap ne bhah kyrpang ia ki Samla Trai ri kiba don sap kan myntoi aiu ban buh Director bad kane ka dei tang ka daw, kumta ka Cell ka lah kren shai ba long katba long dei ban phai khmat shwa sha ki khasi namar kiwei kiwei ki jylla ki don la ka jong ka national center of excellence Ong u Samla Eric Anthony Nongkynrih Chairman Sports & Cultural Cell KSU.