Ka KSU Photjaud Rangthong Unit hynnin ka sngisaitjain ka la leit ban noh synniang da ki tin ia kawei ka longing ha shnong Photjaud RangRangthong. Kum ban shu pynkynmaw, kane ka longing ka la ngat haka jingpluh ding haka 27 tarik Rymphang 2023 ha kaba kane ka longing ka la duh shibun ki jingdon jingem. Hadien ba ka seng ka la ioh jingtip ka la ioh ban leit jurip Mar Mar bad hadien kata hapoh ka jingialam u samla Donaldstone Thongni ( Vice President KSU Photjaud Rangthong Unit) bad u samla Shiningstar Lyngdoh ( General Secretary KSU Photjaud Rangthong Unit) ki la leit ban noh synniang da ki tin kum shibynta ban ia don bynta lem bad ban iarap ia kane ka longing ba mad ia kane ka apot. Ka seng kam don eiei ban ai hynrei tang kum ka dak ban iasnoh kti lang bad kane ka longing. Ha kane ka sngi la iadon lang ban synran da ki nongialam ka KSU Mawkyrwat Circle naduh u samla Pauldeep Tongwah ( President KSU Mawkyrwat Circle), u samla Malvern Marngar ( Asst. Education Secretary KSU Mawkyrwat Circle), ki dkhot jongka KSU Mawkyrwat Circle, ki dkhot ka KSU Photjaud Rangthong Unit bad kiwei kiwei.