"KA JINGKNER KTI IA LA KI PARARI, KA DEI KA KAMRAM".

Nongpoh Naiwieng 19: Ka seng Khasi student Union North Khasi Hills District Unit, hadien bala dep ban pynshna sngewbha da ka ïing kaba bha na ka bynta kawei ka long ing ba hapoh ka shnong Pahamsyiem mynta ka sngi ka 19 tarik Naiwieng 2022 ka la ioh ban aiti noh ia katei ka ïing sah sha I kong Selima Lymphuid.

Hadien ba ka KSU kila lap ba katei ka longing kadei kaba shem jingeh, ka donkam jingiarap bad ba ka ïing ba ki shong ki sah ha ka ïing trep, katei ka jingleh isynei jong ka seng ban pynshna da ka ïing ka dei ruh kum shi bynta ka jingrakhe ia u Mawmer ba 25 snem jong ka KSU North Khasi Hills District haka jingiaiad lynti kum ka seng naduh ba la seng iaka ha u snem 1997-2022.

Na ka liang u samal Ferdynald Kharkamni President NKHD unit u la ai ka jing iaroh ia ka Dorbar shnong ka ba la ailad ia ka seng ba kan pynshna ia kane ka ïing jong I kong Selima lymphuid bad ruh u la ai ka jing khublei ia ki seng longkmie shnong ki seng samla shnong ki ba ju don ha syndah syndah jong ka seng na kapor sha ka por bad kumjuh ruh u la ai ka jing kitbok kit wriang ia i kong Selima lymphuid.

 Ha kane ka sngi u President Rangbah ka KSU u Samla Lambokstar Marngar u la khap ia u ribon kum ka dak ban aiti noh ia katei ka ing sha katei ka long ïing ha shim ia ka bynta ban aiti bad kren ha katei ka sngi u la pynpaw ia ka jingkmen ba khraw ba ka KSU NKHD Unit ka shim ia ka sienjam ban tynrong lem ia ka khia ka shon bad ka kloii ban kner ia ka jingiarap ban kyntiew ia ki paradoh parasnam kiba donkam shisha ia ka jingkyrshan para briew, namar ka bynta jong ka seng ban don mynsiem khamtam ha ka imlang ka sahlang u la buh ruh ka jingkitbok kitwriang ba ka tei ka longiing kan dang iai ioh ka met ba koit ba khia, kin nang iai roi ha ka kamai ka kajih bad im parum pareh, u la buh ruh ia i kyntien sha ki dkhot ka jaidbynriew "BA KA JINGKNER KTI IA LA KI PARARI, KA DEI KA KAMRAM" , U la pynkynmaw ruh ba kam dei ka sien ka ba nyngkong ia ka seng ban leh kum ki tei ki kam isynei ia ki paradoh para snam hynrei naka por sha ka por la ju leh ia ki kam isynei sha ki wei ruh hynrei u la ong ruh ba ki ba bun bah ki riew shimet ki ba lah ban iarap lem ia ki wei ki ba dei hok ban ioh ia ki jing iarap hynrei ki ba bun ki pyrkhat tang ia ka mang lade lane mang tyngka hynrei ngi dei ban pynriewspah ha ka mynsiem ia ka ban tei ia ka imlang sahlang. 

 Ha kane ka sngi la don ryngkat ha ka jing sakhi lang u samla Biangbor L.Paliar Vice President Sengkmie u Samla Ferdinal Kharkhamni President KSU North Khasi Hills District, u Samla Lambok Rymbai Vice-President KSU North Khasi Hills District, Samla James H Mawphniang-General sect ka KSU NKHD Unit, u Assistant Rangbah Shnong ka Shnong Pahamsyiem u Bah Wanphrang Sumer ki Nongialam ka seng longkmie, seng samla bad ki dkhot jong ka KSU North Khasi Hills District lem bad kiwei kiwei kiba la sakhi ha katei ka sngi.

Ha ba shim ia ka jingai khublei ka KSU kam lah khlem da kynmaw ia ki dkhot ka Pahamsyiem Unit kiba la don bynta ban mih sha khmat ban trei hok ia ka kam haduh ba kin da lah ban pyndep ia katei ka ïing,ki dkhot ka KSU Nongpoh Circle, Ki dkhot ka KSU NKHD Unit ki ba la trei shitom miet la bad sngi ban trei shitrhem met bad mynsiem ban pyniaid shaphrang ia ki kam ban pynshna ia katei ka Ïing, Kumjuh ia ka KSU sengkmie, kam lah ruh khlem da klet ia baroh kiba la don bynta ban synniang da ki tiar donkam lane ka bor Pisa kiba la kyrshan met bad mynsiem khlem da tyngkai na bynta katei ka kam ba seng KSU ka shim ia ka tei ka sienjam ban pyntei ia ka tei la ïing.