Ka Khasi Students' Union (KSU) South Khasi Hills District Unit haka 13 tarik u lber 2023 ka lah leit ban noh synñiang da ki kot pule sha ki heprit ba pule haka Skul Badonbaiar LP School Laitmawsiang, Sohrakane ka jingleit ai jingiarap ka seng ka ba la ialam da u Samla Reebokstar Diengdoh, President KSU South Khasi Hills District Unit ha ryngkat ka jingdon lang jong i Kong Ynnai Buhphang iba long i trai jong ka tei ka Skul

Kum ban shu pynkynmaw ka KSU South Khasi Hills District Unit , hapoh ka jingsynran jong u Samla Manly Nongpluh, Finance Secretary ka KSU CEC ha ka 23 tarik u Nailar 2022 ka lah leit jngoh iakatei ka skul bad kumjuh ban ai jingiarap iaka hadien ba katei ka skul ka lah shah pynjulor ha ka bor mariang, bad kumjuh ka Seng ka lah buh ka jingkular ba kan iai don ryngkat bad katei ka skul hadien ba ka Seng ka lah ioh iaka jingtip ba pura ba katei ka Skul lah seng kyrpang na bynta ki kmie ki kpa jong ki heprit ba pule hakatei ka skul ki ba wan naka long iïng ba shem jynjar haka ioh ka kot.

Ka Seng khlem da klet ia la ki juban lak ba la khlei ka iai kynmaw dngong iala ka kamram kumno ban kyntiew iaka pule puthi hapoh ka jylla khamtam iaki longing ba duna ka bor kamai kajih bad ban kynpham lem iaki, ka la shim iakane ka bynta ha ka ban synñiang ym tang iaki kot pule jong kitei ki heprit bad kumjuh ban maramot pynbha iakatei ka skul khnang kan long ka jaka pule kaba biang pura kaban sei iaki Samla Pule ki ban noh synñiang sha ka imlang sahlang.