Ka Khasi Students' Union (KSU) East Jaintia Hills District Unit haka 4 tarik u Nailar 2022 hapoh ka jingialam u Samla Streamly N Suchen President, Samla Kwilnis Suchiang General Secretary ryngkat bad ki dkhot ka la ioh ban pynsngew biang pat sa ha ka Director Health and Services Medical Institutions halor ka jing duna haba iadei bad ka Civil Hospital Khliehriat. Kumban shu pynkynmaw ba iakane ka Civil Hospital la ple da u Myntri Rangbah ka jylla ha ki bnai ba lah dep jong u ne u snem hynrei katkum ka jinglong katei ka Hospital la iohi ba ka dang dkoh ka rukom treikam kum ka Civil hynrei ka dang treikam kum ka Community Health Centre hi haduh mynta. La kam ruh daka sorkar ba ka dei ka 100 bedded Hospital hynrei hynrei haduh mynta kane ka hospital ka dang lah ban kit tang 50 jingthiah hi. Shuh shuh kane ka hospital kam pat don satia ki jingdonkam ba biang kum ki X ray machine ki ultra sound bad kiwei kiwie kiba kum ka civil hospital dei ban don. Ka seng ka la ioh ruh ban dawa ban buh iaki Urban Health Centres na bynta ki programme haba iadei bad ka health. 

Ka seng ka la ioh ruh ban pynsngew bad ban iakren halor ka jinduh license ka Blood Storage Centre kaba ju don ha ka district hynrei ha ka 15 tarik Nohprah 2021 naka liang ki bor ba dei peit ki la pyndam noh iaka license jong kane ka Blood storage centre namar ka jingduna kiba bun na bynta ban buh iaka snam. Ka seng ka la pynsngew ruh ha khmat ka DHS ba ka donkam kyrkieh bha iakane ka Blood Storage Centre ban don biang khnang ba kan nym buh jingeh iaki paidbah jong ka thaiñ.

Ka seng ha ka dorkhas sha i DHS ka la buh ruh iaki jingdawa habad iadei bad ka jingkhlaiñ jong ka hospital ha kaba yn dang hap ban pyndap ia shibun ki vacancy bad ruh halor ka building ba dang donkam ban extend.

Na ka liang ka DHS ka la kular ban buddien halor kine ki jingdawa baroh bad khamtam eh ban pynsuk ia u paidbah haba iadei bad ka jingkoit jingkhiah.