Ka Maitshaphrang Khasi League T20 Cricket Tournament Committee ka pyntip sha phi ba ka KSU kan pynlong ia kane ka jingialehkai cricket hapdeng ki samla shynrang Khasi (Khynriam, Pnar, Bhoi, War, Maram bad Lyngngam) na kylleng ka Bri U Hynñiewtrep ha madan Polo ha Shillong. 

Kane ka jingthmu ka long ban kyntiew ia ki samla Khasi ha kane ka jingialehkai khnang ba ka jylla kan ioh nongmihkhmat ha ka cricket da ki trai ri trai muluk. 

Ka jingthep form kan sdang naduh mynta ka sngi ka 16 tarik u Nohprah 2021 bad kan kut ha ka 30 tarik u Nohprah 2022. Ka jingialehkai kan long beit da ka bol dieng (white ball).

Yn kyrshan ia kane ka tournament da ka Meghalaya Cricket Association

Maitshaphrang Khasi League T20 Cricket Tournament ba la pyniaid da ka Khasi Students' Union - Central Executive Council bad ka jingiasnohkti lang jong ka Meghalaya Cricket Association (MCA)

       

1. Ka Thong:

Ka thong jong ka Khasi Students’ Union – Central Executive Council ban pynlong ia kane ka jingialehkai kriket ka long ban pynshlur ia ki samla Khasi ban lehkai ia kane jingialehkai hadien ba ka la shem ba dang duna kiba ieid ban lehkai kriket bad bunsien dei ki briew ki bym dei ki paradoh parasnam ki ba ju lam khmat ia ka jylla ha kum kine ki jingiakop lehkai ba pynlong da ka Board of Cricket Council of India (BCCI). Ka Seng lyngba kane ka Maitshaphrang Khasi Cricket League ka thmu ban pyntip bad ban pynshai sha ki samla Khasi ha kylleng ka Bri U Hynniewtrep ba kane ka jingialehkai kam long ka jingialehkai tang ban pynsngewtynnad lane jingkilan met hynrei ka dei ruh ka lad kamai ja kpoh. Te kumta lyngba kane ka lympung jingialehkai ka Seng ka kwah ban kyntu sha ki samla Khasi ban shim ia kane ka lad ban pynbit pynbiang ialade ban shah jied ban mihkhmat na ka jylla ban ialehkai ha ki jingiakop bapher bapher ka ban pynlong da ka BCCI ha ki sngi bad ki snem ki ban wan.

2. Ka Jingialehkai:

a. Kane ka jingialehkai kan long tang ia ki samla shynrang.
b. Kane ka lympung jingialehkai kriket kan long ha Madan Polo, Shillong.
c. Ka jingialehkai kan long da ka bol dieng (White Ball).
d. Ka jingialehkai kan long 20-20 overs (T20 Format).
e. Ka tarik ba khatduh ban pynpoi ia ki forms bad ban siew ia ka bai ialehkai kan long 18 tarik Naiwieng, 2021 (18.11.2021).
f. Ka jingkynting nusib (Draw of Lots) kan long ha 20 tarik u Naiwieng, 2021 ha Ophis Treikam jong ka Khasi Students’ Union ha Jaiaw, Chapel Road ha ka por 1 baje Nohphaisngi.
g. Ka jingialehkai kan sdang naduh 24 tarik u Naiwieng, 2021 (24.11.2021).
h. Ka bai rung kan dei 1500 (Khatsan spah) tyngka.
i. Ka jingsiew bai lehkai (Match Fees/ Per game) ka dei 500 (Sanspah) tyngka.
j. Ia ki form lah ban download na ka website jong ka Seng www.khasistudentsunion.com ne lah ban ioh na ka Ophis Treikam jong ka Seng ha Jaiaw, Chapel Road bad na Ophis jong ka Meghalaya Cricket Association (MCA).
k. Hap ban submit ia ka Form bad Registration Fees tang ha ka Ophis treikam jong ka Seng ha Jaiaw ha ne shuwa ka 18 tarik u Naiwieng, 2021.

3. Ki Khusnam:

a. Ka kynhun ka ban jop ia kane ka lympung jingialehkai kan ioh ia ka buskit kaba 50,000 (Sanphew Hajar) tyngka bad ka trophy.
b. Ka kynhun kaba wan ba ar kan ioh ia ka buskit kaba 30,000 (Laiphew Hajar) tyngka bad ka trophy.
c. Man of the Series un ioh ia ka buskit kaba 10,000 (Shiphew Hajar) tyngka bad ka trophy.
d. Man of the Match (Per game) un ioh ia ka trophy.
e. Yn don ruh ki khusnam ia u Highest Run Scorer, Highest Wicket Taker, Best Wicket Keeper, Best Catch bad Best Fielder.
f. Ynda la kut kane ka lympung jingialehkai, na ka liang jong ka Meghalaya Cricket Association (MCA) kan jied ia katto katne ki rangialehkai kaba ka ibit ban ai jingpynhikai shuh shuh ia ki ban kin lah ban pyntbit shuh ia lade da ka pynlong da ka “Special Camp” na bynta ka jong ki.

4. Ki Kyndon:

a. Kane ka lympung jingialehkai (Tournament) kan long tang na ka bynta ki Samla Khasi (Khynriam, Pnar, Bhoi, War, Lyngam & Maram).
b. Hapoh ka kynhun ialehkai (Playing 11 of the Team) kin hap beit ban don 2 ngut kiba dang hapoh ka 19 snem ka rta bad 2 ngut kiba dang hapoh ka 23 snem ka rta. Kiwei pat ki ba tam (7 ngut) ki nongialehkai ki lah ban dei ha kano ka rta kam pher.
c. Ki kynhun kiba kwah ban ia shim bynta ha kane ka jingialehkai ki hap ban pynrung la kumno mumno 15 ngut ki kyrteng nongialehkai (minimum) lane 25 ngut (maximum) ki kyrteng jong ki nongialehkai.
d. Ym shah shuh ban pynrung kyrteng jong ki nongialehkai hadien ka tarik ba khatduh.
e. Hap ruh ban submit ia ki dur, ka EPIC, S.T Certificate ne kano kano ka jingpynshisha jong ki nongialehkai ha ryngkat ka form. Na bynta ki Under – 19 bad Under – 23 hap ban ai ka Birth Certificate ban pynshisha ia ka rta lane kano kano Certificate ba pynshisha ia ka rta.
f. Ki kynhun (team) ki dei ban pynbiang hi ia la ki tiar ialehkai bad jain phong badon rong (Coloured Jerseys).
g. Ka jingialehkai kan long kat kum ka ICC rules.
h. Ki kynhun (Teams) ki dei ban poi shiteng kynta shuwa ka por ban ialehkai.
i. Lada kino kino ki kynhun kiba poi hadien ka 15 min jong ka por ba dei ban lehkai, lah ban pyntreikam ia ka “Walk Over rule”.
j. Ka rai jong ka Organising Committee kan long kaba khatduh.
k. Kino kino ki kynhun ki bym lah ban pynbiang ia ki kyndon haneng, yn weng noh ia ki.

Lada don kino kino kiba kwah jingtip ba kham bniah, phi lah ban wad jingtip na kine harum:

1. Reuben Najiar - 8794448132
2. Eric Nongkynrih - 9856961877
3. Macbrean Nongrum - 8730956577
4. Mekenson Marbaniang - 6033112877
5. Andrie Malngiang - 8794662030

Download ia ki Kyndon

Download ia ka Fixture Maitshaphrang Khasi League T20 Cricket Tournament 2023

Nion hangne ban download ia ka Form.

Khublei Shibun.

Samla Reuben Najiar
Secretary
Maitshaphrang Khasi League T20 Cricket Tournament Committee 
Khasi Students' Union