Ka KSU Mawiongrim unit hadien ba ka lah ioh ka jingujor na ki nongshong shnong halor ka jingpyllait advertisement jong ka company die kali ka ADSAN MAHINDRA ha ki rynsan social media bad kiwei kiwei ki lad pathai khubor kaba la pynpaw ba ka Adsan Mahindra ka don ha BARAPANI. 

Na ka liang ka KSU Mawiongrim unit hapoh jong ka jingialam u President samla Domayan skhemiew ka la leit hiar mar mar mynta ka sngi ka 21.9.22023 ban ia kynduh ia ki trai bad ki bor ba dei peit ia katei ka company bad na ka liang ka seng ka la dawa ba dei ban pynduh pyndam mardor ia katei ka advertisement kaba la shu pynkylla kyrteng khlem nongrim ia ka shnong Mawiongrim sha ka 'BARAPANI'. Bad ka seng ka la pynpaw kane ka jingleh jong kane ka company kala pynbitar ia ka seng bad ia ki paidnah Nongshong shnong Mawiongrim bad na kane ka jingleh jong ka company ka lah wanrah ruh ka jingngialam bakla ia ki ba bun bad khamtam ia ki briew kiba na bar. 

Ka KSU Mawiongrim unit kala pynpaw ba ka ADSAN mahindra ka don hapoh u pud u sam jong ka shnong Mawiongrim bad na ka liang ka seng ka la dawa ba dei ban pynbeit noh mardor hapoh ka shitaiew ia kitei ki jingleh bakla lem kumta na ka seng kam ban se ban shim ki sienjam kiba tyngeh pyrshah ia katei ka company. 

Kyntang iawai ka KSU Mawiongrim unit ka buh ka jingmaham ka ba tyngeh ia baroh ki company lane ki briew kiba ju wan leh business hapoh u pud u sam jong ka shnong Mawiongrim ba kim dei ban leh klumar lane pyndonkam bakla ia ka kyrteng jong ka shnong Mawiongrim ia kaba la buh bad la suit la shor naduh ki myn barim.