Ka KSU Diengpasoh Unit ka lah ioh ban pynthymmai noh ia ki nongkitkam ki jong ka na ka bynta ka samoi trei kam 2022-2025 ha ka 19.11.2022 ha kaba u samla Redyon Nongrum u ba dei u Assistant General Secretary ka KSU CEC u la pynskhem ia kine ki Nongkitkam. 

Ha kane ka Sngi u Samla u la kyntu ruh ba ngim dei ban klet ia ki lai tylli ki Paia jong ka Jaitbynriew kata ka ioh ka kot, ka khyndew ka syiap ka synshar ka khadar ba ngim dei ban duh noh ia kine. Ha kane ka sngi lah ia don lang ruh u samla shemphang lyngdoh Mawphlang u badei u incharge ka Eastern Central Area Unit bad u lah ong ba ki dkhot ka seng kidei ban long kiba tip ia ki ain ba pher ba pher khnang ba ngin lah ban iarap ia ka imlang sah lang bad ban nym shah pynbeij ne shah kem klumar, lah ioh ruh ia ka jing sneng jing kyntu na u Sordar ka shnong Diengpasoh bah Luis Mukhim bad ha kane ka sngi lah ia don lang ruh u samla Ianly Nonghulo u ba dei incharge ka Eastern Central Area Unit bad u samla Shiningstar Kharbihkhiew President KSU Mawryngkneng Circle bad kiwei kiwei ki dkhot bad ki nong kit kam.