Ka Khasi Students' Union (KSU) Mawlynngad Unit ha ka 27 tarik u Naitung 2023 ka la ioh pat ban pynthymmai iaki Nongkitkam ki jong ka.

Ia kane ka lympung pyntian smai lah pymiaid da u samla Khienkor Kharngi President KSU Nongkrem Circle bad ha kane ka sngi lah iadon lang ki nongkitkam Shnong bad ki nongialam na ka KSU CEC bad ki nongialam na ka Eastern Central Area Unit Samla Micheal Lawai, Samla Richard Mawkhiew, Samla Richest Malngiang, Samla Shiningstar Kharbihkhiew, Chairman Mawlyngngad Pyllun, Zachariah Kharmujai, Rangbah Dong Mawlyngngad Block I-, Bill Clinton Wankhar, Bisharlang Pyngrope- Adviser KSU Mawlyngngad Unit.

 Ki Nongai mynsiem bad sneng bad khraw kiba la Mihkhmat na ka KSU Sengkmie bad ki Circle Bapher bapher ha kane ka Jingialang ki la sneng la khraw ia ki Samla ka KSU Mawlyngngad Unit ba kin long ki Samla kiba don ka akor ka Burom, Ba kin nang trei shuh shuh na ka bynta ban kyntiew ia ka imlang sahlang. Bad kumjuh ki la ban jur ia ki dkhot ba kin trei shitom ban pynduh ia ka Kam sniew khamtam ha kane ka Juk mynta kaba u Drok u la sdang ban suhthied sha ki Shnong bapher bapher. Ki la ong ruh ba ka KSU Mawlyngngad Unit ka dei ban iatrei ryngkat lang bad ka Shnong khnang ban lah ban rat ia ki Jingsniew ba bun jait. Bad kaba khatduh ka long ba ki dei ban long ki Samla kiba Sngewrit, Kiba Shlur, kiba Satar na ka bynta ban trei ia ka Kam.

Na ka liang ka Shnong la ioh ia ka jingkren na i Chairman ka Mawlyngngad Dorbar Pyllun bad i Rangbah Dong Block I. Kiba la ai ka Jingiaroh ia ka KSU Mawlyngngad Unit kaba la trei borbah ha ki Lai snem ba la leit na ka bynta ban wanrah ia ka Shongsuk Shongsain hapoh shnong bad ban rat ia ki Jingsniew hapoh Shnong. Bad ka la kyntu ruh ia ki Dkhot ka Seng KSU Mawlyngngad Unit ba kan nang iai trei ryngkat ryngkat bad ka Shnong hi baroh kawei bad ba kin don ka Akor ka Burom khnang ba kiwei pat ki Samla kin bud ia ka Nuksa kaba ki ialam.

Ia ki dkhot jong ka ka ksu Mawlyngad unit kaba hapoh ka nongkrem Circle lah pyntian smai da u Samla Alerick Kharjana u ba dei u Assistant Office Secretary jong ka KSU CEC.

Ki nongialam ba thymmai ka KSU Mawlynngad Unit ki long u Samla Shanskhem Khyriemmujat bad u Samla Bestarwell Mawthoh.