Mynta ka sngi ka 11 tarik u Nailar 2022 la ioh ban pynskhem ka KSU Nongpoh Circle ia ar tylli ki unit ba thymmai kata ka KSU Nongpoh Town Unit bad ka KSU Pahambir Unit.

Ia ki tei ki ar tylli ki unit ba thymmai la wan ban pynskhem da u samla Biangpor L palair Vice President KSU CEC ha ryngkat ka jing don ryngkat lang u samla Ferdynal K Kharkamni President KSU NKHD unit, U samla Joseph lambok rymbai-vice President KSU NKHD unit, U samla Banjop maring education secretary KSU NKHD unit,u samla John Lyngdoh-president KSU Nongpoh circle,U samla Banpynshngaiñ Lyngdoh adviser KSU Nongpoh circle ryngkat ki dkhot na ka district bad circle bapher bapher.

Naka liang u samla Ferdynald k.Kharkamni u la ong ba ki jing kharoi sted haduh kata kata ha ki ne ki sngi ba mynta dei u Drugs u ba la pynjot bad pynsniew dur ia ka imlang sahlang, u la kumtu ia ki samla ba kin long ki ba adkar na kum ki ne ki jait jingsniew ba long kum ki kruin bamduh bad kumjuh u la kyntu ia ki samla ba ki dei ban peit pyrman ia ki shnong ki thaw ban ai ka jing ia trei lang bad ki kmie ki kpa ban lah ban rad diengkhong ia kum ki ne ki jait jing sniew.

Ha ba ai jingkren ha ka tei ka jingpynskhem na ka liang u samla Biangbor L.paliar u la ai ka jing iaroh ia ki samla ki ba la shim ia ka sienjam ban pyniasnoh sha ka KSU namar kam dei ka jing shah pynbor hano re hano hynrei dei da ka mynsiem ba kylluid ba ki la wan ban iasnoh bad ka KSU u la pynkynmaw ruh ia ki mat ba ka seng ka shim na duh ki por mynshwa kum ka issue ILP issue railway bad ki wei kiwei ba ka seng haduh ki ne ki sngi kam shym la manthaid ban iai dawa na ka sorkar la ka long ha kano kano ka rukom ruh.

Ia kane jing ialang pynskhem la pyniaid da u samla Baiashanlang kharshanlor u ba long u General secretary ka KSU Nongpoh Circle.