Ka Khasi Students' Union (KSU) Lyngam Hynneng Brei Unit haka 18 tarik u Rymphang hapoh ka jingialam jong u Samla Banshan Sohbar General Secretary haka  jingsynran lang u Samla Jonathan Puweiñ Finance Secretary, u Samla Franky Mawsor Assistant Education Secretary lem bad ki dkhot ka la ioh ban kner jingiarap sha Ar tylli ki lanot pluh ïing. 

Kawei haka Shnong Langshonthiang ba dei jong i Kong Onjo Mawsor bad i Klaiñ Riangshiang. 

Kawei pat haka shnong Riangna ba dei jong i Kong Agnes Riangshiang bad I bah Pital Mawsor. 

Ka seng  Kum ka jingsngewlem iaka jingjia ka lah synñiang da ki marbam, ki tiar shet - tiar tiew bad ki kymbor.

Haba ai jingkren U Samla Banshan Sohbar u lah pynpaw iaka jingsngew nguh ia u Blei ba u lah pyllait ia kine ki long iing na kino kino ki jingmynsaw ne jingjia ba sngewsih , hynrei ka seng ka sngewdiaw bad pangnud ha kaba kane ka longïing ka la duh noh iaka ïing sah bad iaki jingdon - jingem jong ki.

Shuh shuh U General Secretary u la pynpaw ba kum ka seng ba peit pyrman iaka bha ka miat jong ka dong ka thaiñ kam lah ban shu peit lane shong kli  kti hynrei ha i bor barit  ka seng kan iai pyrshang ban iarap ia ki Paradoh lada ki iakynduh jingeh la ha kino kino ki bynta. 

Ka seng hakajuh ka por ka kyntu ruh iaka Sorkar  bad iaka tnad ba dei peit ba kan pynkloi iaki lad jingiarap khnang ba ki lanot ba Shah Jia kin ioh iaki lad jingiarap haka por kaba biang.