Ka Seng Khasi Students Union lyngba ka KSU NKHD Unit ha ka 25 Jyliew 2022 ka la pdiang Sngewbha bad pynkup burom ia ki Nongjop bad ki Nongshimbynta ha ka National Muaythai Championship 2022 kaba la long ha Shrimant Tukoji Rao Pawar Indoor Studium, Madya Pradesh.

Ka Seng ka la ioh ban pynkup burom ia ki 30 ngut ki Rang bad Thei ia lehkai kiba hap ha ki Kyrdan ba pher ba pher ha kane ka Jingialehkai ba la pyniaid da ka Sports Muaythai Association Madhya Pradesh naduh ka 16 haduh 22 Jyliew 2022

Ha kane ka jingpdiang Sngewbha bad pynkup burom la lam Khmat da u Samla Lambok Joseph Rymbai Vice-president KSU NKHD Unit u ba la ai ka jingsneng jingkyntu ruh kum shi bynta ban nang pynshlur ia ki Para Samla ba kin nang Minot ban kilan met khnang ba kin nang iai lah ban wanrah nam burom ia ka Jylla bad ban ioh mihkhmat ia ka Ri India hi ruh bad ka donkam ban ai mynsiem ia ki para samla ruh la ka dei ha kano kano ka jingialehkai ba ki para samla kin lait na ka jing jyllei ki kam sniew ha ka jylla, ha kane ka sngi la don ryngkat kiwei pat ki Nongialam ka KSU NKHD Unit bad KSU Nongpoh Circle. Ka Seng la pynkup burom ia kitei ki Nongshimbynta da ka Jain ryndia ia ki Rang ialehkai bad ka Jain thohriaw ia ki Thei ia lehkai ha ryngkat ki tiar khusnam ban pynsah Jingkynmaw.