Ka Khasi Students’ Union Umsning Circle ha ka 27tarik Jylliew 2022 kala leit ban ïa kynduh ïaki Branch Manager jong baroh ki Bank kiba don ha Umsning kiba kynthup ia ka Meghalaya CoOperative Apex Bank (MCAB), Meghalaya Rural Bank (MRB) bad ka Punjab National Bank ba kin plie ia ki Automated Teller Machine (ATM) jong ki, kane ka jingleit ïakynduh jong ka Seng ka long halor ka jingeh kiba kum ki paidbah ki mad jingeh haba ki donkam ban sei pisa khamtam lei lada dei ba ki donkam kyrkieh, Ka KSU ka dawa ba kin ia leh kloi katba lah namar ka jingmyntoi kan dei ia u paidbah ba bun ba lang namar kum ba ka long mynta palat spah tylli ki shnong kiba kynthup ia ki thaiñ Mawhati, Zero point, Mawrong, Myrdon bad ba bun ki paidbah nongshong shnong ki ba ap ia ki jingdonkam bad jingmyntoi na ki jaka treikam jong ki Bank hapoh Umsning.

Ha kane ka jingleit kynduh la ïalam da u President jong ka KSU Umsning Circle u Samla Lester Nongbet, u Organising Secretary u Samla Prosper Lyngdoh bad kiwei kiwei ki dkhot jong kaa KSU Umsning Circle. U Samla Lester Nongbet uba dei u President jong ka KSU Umsning Circle u lah ong ba kat ka jingheh bad ka jingbun paid ka Shnong Umsning hynrei kum ka Seng ka dap da ka jing sngewkhia bad ka jing sngew lyngngoh ba don tang kawei ka Automated Teller Machine (ATM) kaba dei jong ka State Bank of India kaba la buh shisha ia ki paidbah ha ka jingeh bad jing kordit. U la bynrap ruh ba hadien kitei ki jing ïakynduh naka liang jong ka Seng kala ai por shi bnai ïa kitei ki Branch ba kin plie ïaki Automated Teller Machine (ATM) lym kumta ka Seng kan shim syndon ia ka sienjam ban pyrkhat bad leh da kaba tyngeh ïa kitei ki Branch lada kim lah ban pyn urlong ïa katei ka jing dawa namar kan long ka jingduhnong ia ki paidbah nong shong shnong ka thain Umsning hi baroh ka wei.