Ka Khasi Students’ Union (KSU) Mawprem Circle ha ka 12.Nailar 2022 ka la ïoh ban pyntian smai ïa ki nongkitkam ka KSU Mawbah Unit. Ia kane ka jingpyntian smai kaba long ha iing Dorbar ka shnong Mawbah, la pyndep da u Publicity Secretary ka KSU CEC u Samla Pynshaiborlang Rani.

Lah Pynïaid ïaka jingïalang da u Samla Pynshngaiñ Lyngdoh Asst. Education Secretary, KSU Mawprem Circle,haba ai Jingkren U samla Pynshai Rani u la pynpaw ia ka jingkmen kaba khraw ba sa shisien pat ka Shnong Mawbah ka lah pynmih pat ia ki Khun Samla kiban kit lyngkor ia ka Jaitbynriew namar lada yn shu peit lah ikop ba ha kane ka Shnong ym don Khasi shuh hynrei pyn ban Ka long kaei kaei kaba pynkmen Shi katdei ba ka KSU ka Khie Rasong beit na ka Por sha ka por. u la kyntu ïa ki nongkitkam ba thymmai ka Mawbah Unit ban trei bor bah bad trei shit rhem na ka bynta ban saindur ia ka lawei ba phyrnai. Une u samla u la kyntu ruh ïa ki samla ba kin ïaid ryngkat bad ka shnong na ka bynta ka bha ka miat jong ka shnong.

Kiwei pat ki nongkren ki kynthup ïa u rangbah shnong ka Mawbah u Bah David Syiemlieh u ba la pynpaw ïa ka jingkmen ïa ka jingpynthymmai nongkitkam ka Mawbah Unit bad u la kyntu ba ka thong ba ha khmat jong ka KSU Mawbah Unit ka long ban ïa trei ryngkat- ryngkat bad ka Dorbar Shnong ban rat dyngkhong ïaki jingsniew ha ka shnong Mawbah, u Samla Badonkupar Nongbri (Asst. Organising Secretary, KSU CEC & Vice President, KSU Mawprem Circle) u Samla Arrestone Thabah (President, KSU Mawprem Circle) bad u Samla Banshan Lyngdoh (Organising Secretary, KSU Mawprem Circle).

Ha kane ka sngi la ïa don ryngkat ruh u Samla Banlumlang Rani President., KSU NEHU Unit, u samla Anrose Nongbet Publicity Secretary, KSU Mawprem Circle, samla Pynskhem Warjri (Environment Secy, KSU Mawprem Circle), ki Seng Samla ka Dorbar shnong Mawbah bad ki dkhot ka KSU Mawprem Unit, KSU Lumkshaid Unit.