Hadien ba leit jurip ka KSU EJHDU lyngba ka Education Cell ka district haka 19 tarik Nailur 2023 halor ki building BIET bad Residential school kiba don ha ka shnong Byndihati mynta ka sngi 21 tarik u Nailur 2023 ka KSU EJHDU ha ka jingialam jong u Publicity Secretary ka KSU East Jaintia hills district Unit bad u Samla Hame Ryngkhlem bad u Samla Chibait Rymbai Assistant Organising Secretary ka district ka leit ban pan jingshai na ka Director jong ka DERT Smt K R Manner halor ka BITEs kaba don ha Byndihati kaba sah khongreng khlem da pyntrei kam satia ia ka,ka seng ka la ioh jingtip ba iakane ka building lane ka jaka ai jinghikai pyntbit ia ki samla pule kiba thmu ban long nonghikai ka sdang naduh u snem 2012 bad la sdang ban shna ia ka ha u snem 2015 bad kumba lap ka seng ia kane ka building ka la shu sah khongreng haduh mynta bad kane long ka daw ba ka PWD kam pat aiti ia kane ka building sha ka Directorate of Educational Research &Training (DERT) ban pyntreikam pura. 

Kum ba ioh jingtip ka seng ka daw Jong ka jingbym pat treikam iakatei ka shlem ai jinghikai iaki nonghikai kiba peit shna daka PWD (Buildings) ka long halor ka bill ba kim pat pyllait ka ba kot ia kumba 3 klur tam haduh mynta naka sorkar bad kaei kaba pynglyngngoh ia ka seng ka long ba ia Kane ka building ka lah dap 8 snem mynta bad ka sorkar ka sngap mynthi halor kane ban pyllait noh ia ka bill bad ba ka building kan ioh noh ban pyntreikam ia ka. 

Kaba sngewlyngoh pat sha ki wei ki district kiba don ka jaka pyntbit ai jinghikai DIET ki la ioh ka jingiarap da ki 15 klur na ka tang ba bynta ban maramot bad kane ka pynlyngngoh iaka seng ba kumno ka leit shiliang ka bhah kumta bad ia ka East Jaintia pat la ieh khunswet watla ka building ka la don 8 snem pura bad kane ka pyni ba ka sorkar kam patiaw satia iaka bha ka miat ka district khatam haba iadei bad ka pule puthi bad ka seng ka kyntu iaki nongmihkhmat bad ka sorkar ba kam dei ban leh shiliang. Na ka liang ka Director ka la batai ruh ba kitei ki building ki dei tang ba bynta ka Block Institute of Teachers Education bad lada ioh ka sanction kaba pura ynnlah ban pynkylla sha ka District Institute of Teachers Education (DIET) jong ka district.

Ka seng ka lah jurip ruh iaka residential school building ka ba don ha katei hi ka shnong kaba la mang na bynta ban buh iakane ka residential school hynrei kumba ka long mynta kane ka building ruh ka dang shah ieh shra bad ka long kaba i sepei iaka pisa u paidbah. Ka seng ka la pyrshang ban kynduh ia u khlieh ba dei peit iakane hynrei ym shem la ioh kynduh. Ka Seng kan leit pan jingshai shuh shuh halor kane ka residential school ba hato ka dang don ne m la project bad lada dang don ka seng ka kyntu ban pynkloi noh ban suk ki paradoh parasnam nyngkong bad ka thain hi baroh kawei

Shuh shuh na ka liang jong ka Director ka la kular ban leit inspect ia ka jinglong jingman jong kane ka Building ha kine ki sngi ban wan bad lah kular ruh ban phah pynkloi noh ia ka PWD ban aiti noh ia kane ka building sha ka DERT khnang ban pyntreikam noh iaka. Ka seng ka dawa iaki bor ba dei peit ba kin pynkloi iaki jingdonkam bad khamtam eh ban ioh shisyndon iaka District Institute of Teachers Education ha ka jong ka district