Ïa katei ka kynhun ba thymmai Jong ka KSU -NIT unit yn Ialam khmat da u samla Mebadeipor Shadap kum u President la shimti da U bad samla Saiñbor Mukhim kum u General Secretary .

La pynskhem ïaki dkhot ba pura jong katei ka Unit da u Samla Rueben Najier Asst Education secretary Jong ka KSU sengkmie ha ka jing don ryngkat lang u Samla Dakishanlang Malngiang bad u Samla Badonkupar Nongbri kiba dei ruh ki Asst organising secretary Jong ka KSU sengkmie. ha katei ka lympung pynskhem la ïadon lang ruh u President ka Laitumkhrah Unit u Samla Rangbah Sambormi Lyngdoh bad ki dkhot jong ka Laitumkhrah Unit kumjuh ruh ki dkhot na ka Laban Circle.

  Ki nongkren kiba la don hakatei ka jingialang ki la pynkynmaw ba ka KSU NIT Unit kam dei shuh kaba ki dang seng thymmai ha katei ka Institute bad sa shisien kum ka dak ban pyneh daw ki samla kiba don iaka jingsngew khia bad jingkitkhlieh kila pynïeng biang ïaka Lama jong ka Seng ha katei ka Institute bad kila pyn tikna ba kan ïaineh bad ka dang ïai kaweh. Ki nongkren ki la kyntu kynpham ïa kitei ki samla jong ka KSU NIT Unit ba kin dang trei radbah na bynta ki Paradoh parasnam kiba trei ba ktah ha katei ka Institute bad khamtam eh na bynta ki samla pule ka Bri U Hynñiewtrep kiba don ha katei ka Institute bad ruh kila kitbok kitrwiang ïaki bad kila ai mynsiem ba ka KSU hi baroh kawei kan ïai don ha syndah bad ki la ha kino kino ka khep ba ki ïa kynduh jingeh haka lynti ïaid jong ki.