Hadien ba la ioh ka jingujor na kiba ha ïng ia ka jingleh bymsuidñiew ki nurse ha Lumshnong PHC, ha ka sngi jong ka 23 tarik u Jymmang 2023 ka KSU Lumshnong unit hapoh ka jingialam u President samla Olenbat Pdang ka la leit ban tohkit. Ka jingjia halor ka jingbymshim khia ki nongtrei bad ki nurse jong katei ka jaka ai jingsumar ia kawei ka longkmie kaba na ka shnong Chiehruphi kaba wan ban kha khun ha katei ka PHC. Katkum ka jingujor, la iathuh ba ha ka miet 21/05/2023 kumba 10 baje eiei kaba dei ka miet Sunday katei ka longkmie namar ba la dei ka por kha ia I khun ka la leit ha katei ka hospital. Hadien ba ki nurse ki la dep peit ki la iathuh ba ka por ban kha kan dei 2 baje shiteng synñia bad I la iathuh ruh ba itei I khyllung I la iap. Bad kitei ki nurse hadien ba ki la dep batai kumtei ki la leit thiah sha jaka ba ki sah. Hynrei 12 baje shiteng synñia I tei I longkmie I la suh khun bad kiba ha îng kiba ia donlang ki la phone sha ki nurse ale kloi, hynrei kitei ki nurse kim treh wan ki shu batai ha ka phone call ban leh kumne kumtai bad ai da ka um ban dih. Namar jia ryngkhat ba la ap miet lang ia itei I longkmie da iwei I riew tymmen ba juh donsap ban pynkha khun iba dei ba ha ïng ha sem im banse ban pynkha hi namar bymlah ap kat ban poi kitei ki nurse. Ynda la dap 2 baje thik kitei ki nurse ki la poi bad lap ba la dep pynkha. Hangta kitei ki nurse ki la ong, ‘ oh lah dep pynkha mo, bad ki leit phai biang sha jaka sah bad thiah. Na ka liang ka seng ka sngewphylla ba ki nurse kiba don duty kumno pat ki leit thiah aram kata ruh sha jaka sah ym ha nursing room. Ha ka jingshisha ki la dei ban don ha nursing room haba don ki emergency case kum kitei. Kane ka jingleh kitei ki nurse ha katei ka miet tharai lada ym don itei meirad iba tip ban pynkha khun ym tip shuh ioh wat ia itei I longkmie in poi sha ka jingjia ba sngewsih. Kane ka kyrwoh ka kyntu ia kitei ki nurse ba kim dei ban leh sting haba don kum kitei ki case, lada nangiai jia kumne ka seng kan leh ia kaba donkam. Ha katei ka jingleit jong ka seng, la lap ruh ba duna bha ki staff nurse bad don ruh tang uwei u doctor. Utei doctor ha katei ka miet ba jia um don u leit shnong. Haba Kylli, u doctor u la iathuh ma u lei u la dei ka por ban leit pyntbit (traning), hynrei um ioh ban mih namar bymdon nongiarap. Ka seng ka dawa na ka sorkar ban pynbiang nurse bad doctor ha katei ka hospital.