Ka Khasi Students' Union Nongmensong Unit myn ha ka 5 tarik u Ïaiong ka lah ai sngewbha da katto katne ka jingiarap da ka song pisa sha ki san (5) ngut ki khynnah samla kiba lah pass ia ki eksamin SSLC  kiba lah pyn pule da ka seng. 

Kumba shu pynkynmaw ba ka Seng ka lah sdang ia kane ka Free Education Camp naduh u snem 2011 bad ka dang ïaid biet ïaid  ryntih haduh mynta  ka kynti bad ki don 24 ngut ki khynnah skul bad 5 ngut kiba lah pyndep ia ka eksamin SSLC. 

Ka Seng ka dap da ka jingkmen kaba khraw mar syn tip ka khubor haba ki khynnah samla ki lah ioh ban khiet ia u soh ka jingjop. 

Ha kane ka jingialang lah pynshngaiñ da ka jingdon ryngkat lang u Samla Shelkitbok Kharbani (Asst. Education Sect. C.E.C) Jeremaiah Pohtmi (President Nongmensong Unit) bad u Banjoplang Dkhar (Organising secretary Shillong Mihngi circle)  Ryngkat bad ki dhkot. 

 U president jong ka Nongmensong unit u lah pynpaw ka jing sngew kmen kaba khraw bad u lah pynpaw ba ka jing jop jong ki  khynnah pule ha kane ka eksamin kadei ruh ka  jing jop jong ka seng hi bad ka kyrdop ka jing sdang ia ki khynnah samla kiba lah lait ia kane ka eksamin.