Haka 28tarik Jymmang 2023 ka KSU Bengaluru Unit ka la ioh ban rakhe iaka jingdap jong ka kaba lah kot sha ka hynñiew (7) snem kynthih, ha R.R Institution Chikkabanavara Bangalore- 560090, 

Da ka Jingdon ryngkat ki nongkitkam ka KSU Bengaluru Unit. Kumban shu pynkynmaw ba iakane ka shnat treikam ka seng la seng ha u snem 2016, 28 tarik , Jymmang.

Ha katei ka sngi la shim ia ka bynta symbud kongsan da u Bah Meban Plielad Shadap (FSSAI INSPECTOR)

bad iaka bynta kum i kongsan la shim da i Kong Mary Tariang(Assistant Professor hakatei ka sngi 

La ioh ban rakhe iakatei ka program daki Jingshad bad jingrwai tynrai bad ha ka por ba ai jingkren na i symbud kongsan i la pynsngew ia baroh ba ngi lada ngi iarap ia ki jaitbynriew khasi ngi dei ban sngew kum ka KSU , u la ong ym dei tang ia ki dkhot bad ia baroh ki samla khasi jong ngi,ki ba don ha nongbah Bengaluru. Shuh shuh ha ka por ka jingkren i kongsan ka la pynsngew shaphang ia reservation policy bad ka kyntiew ia ki samla pule sha nongbah Bengaluru ban mih shaphrang khamtham ia ki khynthei bad ka la pynpaw ruh shaphang ka Human Rights and Constitution.

Ha ka por ai jing kren U President Jong Ka KSU Bengaluru Unit u lah ong ba ngi sngewthuh Kum ka jaitbynriew Lada ngi don ha Kano Kano ka jaka ruh Lada ngim don ia ka jing ai kti lang lada ngim don ia kata ka jing kitlang ka khia ka shon khatam ngi don shabar ka long kaba jynjar bad ka long kaba sngew khunswet u la ong.

Hadien jongka jingiarakhe iaka 7anniversary jongka KSU Bengalure unit, kala don ruh ka jingia pyrkhat iaki katto katne ki mat ban pynkynmaw iaki para khasi bawan Sha Bengaluru laki long ki ba pule lane kiba trei ruh kumjuh.

Ki jingpynkynmaw ki long kumne harum:-

1. Ka jingkyntu iaki samla pule ki ba mut ban thep class lane ban wad admission hapoh ki College bapher bapher ha Karnataka- Bengaluru, ba kidei ban kylli bha shwa um ban shu shanniah klumar haki agent namar la bun ki case ba ki khynnah ki mad iaki jingeh hadien ba ki la dep ioh admission, te kumta naka liang ka seng ka da kyrpad jur iaki paradoh parasnam ba kin long kiba adkar bad phikir khnang ban lait naki jingeh.

2.Ia ki ba wad kam ban trei 

Don ki labourer kiba wan shane sha nongbah Bengaluru ki don ha ka jingeh jingpynshitom ba ki don ha ka jing klumar ba ki khlem da tip shaphang ka bond bad ka agreement jong ka company.

Kine 2tylli ki long ki dawbah baki para samla khasi ki mad haki jingeh hangne ha nongbah Bengaluru ba bunsien bunsien ba ngi kum ka seng ngi ju lap hakaba kadei bad ka jingthep class bad wad kam.

Te kum ka seng Bengaluru lah ai ka kyrwoh ba ka seng hi ka kwah iaki samla ban kin pynsaphriang shaki bahaing ba hasem bad shaki paradoh para snam hi jongka jylla