• sangot@khasistudentsunion.com
  • Jaiaw Chapel Road, Shillong - 793002
#

LEIT JURIP KA KSU MAWSHYNRUT CIRCLE IAKI LONGÏING BA SHAH LEHBEIÑ HA U NONGSHIMWAI

Hapoh ka jingialam jong U Samla Armstrong Sohshang President KSU Mawshynrut bad Samla Ulysis Ryntong General Secretary KSU Mawshynrut Circle ha ryngkat katto katne ki dkhot leit jurip ka KSU Mawshynrut Circle iaki longiing ba ioh iaka scheme PMAY ha Shnong Mawkhumkha hadien ba ki ioh iaka jingujor na ki nongioh iaka katei ka scheme , 

 

 Haba poi ha katei ka Shnong ka seng ka dap daka jinglyngngoh haba ki iohi iaki ïing ba ioh iaka scheme PMAY na ophis jong U Block development officer ki shu shah ieh ryngjang khlem shna pyndep bad ka seng ka la ioh ban kylli markhmat bad ki nongioh iaka scheme ha ryngkat U Sordar Shnong bad ka Shnong baroh kawei ki la iathuh ba ia kitei ki hynñiew tylli ki ïing la dep ai contract lane ban pynshna ha U bah Gerald Tynhiang haduh ban da dep hynrei la iathuh ba Utei U Rangbah U Khlem shna pyndep ia kitei ki ïing bad iaka pisa ruh baroh ar installment la dep ai ha utei u contractor hynrei kaba kham sngewsih ka long ba hadien ba kitei ki longïing ki wan ban kyrpad ia U ban shan pyndep iaki ïing phewse U byrngem kylla ia ki la iathuh ki nongioh iaka scheme.

 

Shuh shuh na ka liang jong U Sordar katei ka Shnong U J .Nongbak U la pynpaw ka jingsngewdiaw iaka jingleh kheiñ sting bad ka jingbym ñiewkor jong U Iaki para mynsiem bad U la pynpaw ruh da kaba u leh kumne ym dei ba ka pynduhnong tang ia kitei ki Ïing hynrei wat iaka Shnong baroh kawei namar ka ophis jong U BDO kan nym ai scheme katba ym pat lah pyndep ia kitei ki ïing U la ong.

 

U la iathuh ruh ba ha jingshisha ki la pynsngew ruh ha U BDO ia kane ka bynta bad U la kular ruh ban pyndep iaka kamram hapoh 15 sngi hynrei haduh mynta shibnai tam U khlem leh eiei U la pynpaw, kumta kum ka Shnong ka don jingshaniah triang haka Seng KSU ba kan iarap ia kane ka bynta U la ong. 

   

Bad mar mar marsien wan na Shnong Mawkhumkha ka seng haka 5 tarik nailar ka la leit iakynduh mar mar bad U BDO ban pynsngew iaka bynta bad ban hukum ia Utei U Contractor ban shna dep noh ia kitei ki ïing namar katkum ka agreement bad ka por kam iahap shuh la ong ki Nongialam ka Seng.


  Shuh shuh ki Nongialam ka seng ki la kren shai kdar ba da lei lei kin nym shnong kli kti hynrei kin iai buddien iaka kam haduh ka kiba shah lehbeiñ kin ioh iaka hok.

0 Comment(s)

Write a Comment

Newsletter

Subscribe to our eNewsletter to get the latest updates.

Back To Top