Ha ka 20 tarik Rymphang 2023 na ka liang ka KSU Mawliehdeiñ Unit ka la ioh ban ai jingiarap da ki copy sha ki hynniew ngut ki Khynnah Skul na ki ar tylli ki longïing. Kawei ka longïing ka iakynduh jingeh namar ka jingshitom jong u kpa ka ïing bad kawei pat ka dei na ka daw jong ka jingkhlad noh u kpa. Kine ki khynnah ki dei kiba dang pule ha ki class ki bapher bapher jong ka thup Lower Primary, Upper Primary bad Secondary School. U President jong ka Unit U Samla Probinus Kharlyngdoh ha ba kren ha ka por ba aiti ia ki copy u la iathuh ba ki dkhot jong ka Unit ki la ia synniang pisa ban pynmih fund bad ioh thied ia kine ki copy bad kitbok kit-rwiang ruh ia kine ki khynnah ba ki poi sha ka thong ha ki jingpule jongki.