Ka KSU Umsohpieng Unit hapoh ka Jingialam Jong U Samla Litterius Syiem Assistant General Secretary ha ryngkat Ki dkhot haka 24 tarik kyllalyngkot 2024 ki la leit ban ai jingiarap ia kawei ka lanot pluh ïing ha Nongdiengkaiñ da ki mar bam - mar dih , Ki jaiñkup bad ki tiar shet - tiar tiew.

 Haba pyrshang ban kylli ia ka daw na ka Liang jong I trai ba Shah Jia I Pynshailang Marthong Ila iathuh ba ym lap dien shuh na kaei ka daw hynrei Ila iathuh ba ka jingjia ka la Jia ha ki por 7:30 janmiet eiei (antad)  bad hakajuh ka por na ka Liang jong I Trai ïing Ila ai khublei kyrpang iaka seng ha kaba ka long kaba kloi ban synñiang lem ha kine por ba ki donkam shisha iaki jingiarap.

  Haba ai jingkren na ka liang jong I Samla Litterius Syiem lla ong ba na ka liang jong jong ka seng ym tang ba ka kut tang katne hynrei kan ai ka kti kadiang - ka kti ka mon ban iarap bad ban buddien ba ki trai ba Shah Jia kin ioh kham kloi namar ba kidei ki longïing ba duna haka ioh ka kot.

   Shuh shuh Ula kyntu ruh iaka ophis ba kidei ban pyndep kham kloi khamtam ia Kum kine ki scheme ba kyrkieh khnang kin lah pat ban shna biang iaka ïing haka por kaba biang.

La sakhi lang ruh da Ki Riew Rangbah jong Ka Shnong ha katei ka sngi.