• sangot@khasistudentsunion.com
  • Jaiaw Chapel Road, Shillong - 793002

Ka jing laitlan ki barjylla ban kamai spah beaiñ ka dei ka jingknieh ia ka pliang ja jongngi ki trai muluk : KSU

Kyntu ka KSU iaka JHADC ban khynra kot khynra sla ia ki barjylla 



Ka Khasi Students' Union (KSU) Jowai Unit mynne ka 16tarik, Jymmang 2023 ka lah ioh ban leit talasi ia ki bar jylla kiba kamai spah sahuh ha Ïawmusiang, Jowai bad ka seng ka lah lap ba ki dei ki bym don satia ia kino kino ki kot ki sla kumba donkam.


Ha katei ka jingleit khynra kot khynra sla ka seng ka lah lap ba kitei ki barjylla kiba don ha Ïawmawsiang ki lah leh donbor shaba palat pud da kaba pynlong dukan die tiar die tar ha lynti syngkieng bad ha rud surok wat hapdeng ba ki bor pyniaid ia ka ïew ka hat bad ka JHADC ki lah buh jing pyrkhing da ki kyndon kiba tyngeh wat ia ki trai ri trai muluk hynrei kitei ki barjylla haduh katei ka sngi ki dang ioh pynlong dukan sahuh ha katei ka ïew.



Kum ban pynkynmaw ba na ki bor ka JHADC bad ki bor Hima Sima ki la ju maham tyngeh ia ki trai ri trai muluk ban die jingdie ha ki lynti iaid kjat pynban haba wan kine ki bar jylla ki leh trai bad ym don ba leh eiei. Kane ka jingleh laitlan kine ki barjylla ka la pyn bitar iaka seng, bad ha kaba na liang ka seng ka lah pynher krad lut shisyndon ia baroh kitei ki barjylla kiba leh beaiñ. Shuh shuh ka seng ka lah maham jur ba kitei ki barjylla kim dei shuh ban wan thaw jaka kamai spah beaiñ ha katei ka Ïew namar ka dei ka Ïew kaba kyntang bad lada ki dang wan kan ktah ia ka pliang ja jongngi ki trai ri trai muluk.


Naka liang jong ka KSU Jowai Unit haka tei hi ka sngi ka la ioh ruh ban ia kynduh markhmat bad ki bor ba dei peit iaka District Council, ha kaba na ka liang ka seng ka kyntu jur ba ki dei ba JHADC ka dei ban pynlong ka jingkhynra kot khynra sla na ka por sha ka por ia ki barjylla kiba wan thaw kamai beaiñ hapoh u pud u sam ka JHADC, bad ha kaba na ka liang ki bor ba hakhlieh ka Council ruh ki lah kular skhem ba kin iai bteng barabor ia ka jingkhynra ia kum kine ki nongwei kiba shu wan kamai beaiñ kynjai khlem don satai ia ki kot ki sla kumba lah donkam, kumba lah dawa da ka seng KSU.


Ka seng KSU, ka pynpaw ruh ba ka Council ka dei ban dei sdang kloi ia ka jingkhynra kot khynra sla ha kylleng ki bynta ba dei peit ka JHADC khnang ba ki khar poiei ki bym biang satia ki kot kin hap ha ki jing pynshitom kaba tyngeh.


Ha katei ka sngi la ialam iaka kynhun da u Samla Leonard Dhar uba dei u General Secretary ka KSU Jowai Unit, ha ryngkat ka jingdon lang u Assitant General Secretary Samla J.Yndoh,Office Secretary Samla W.Phawa. La iadon lang ruh ha katei ka jingkhynra ha katei ka sngi da i Kong Ladaplin

P Hayong i ba dei i President Girls Wing War Jaintia Circle .

0 Comment(s)

Write a Comment

Newsletter

Subscribe to our eNewsletter to get the latest updates.

Back To Top