• sangot@khasistudentsunion.com
  • Jaiaw Chapel Road, Shillong - 793002
#

Halor ka jingpynslem ia ki Degree Certificates, leit ia kynduh mardor ka KSU NEHU Unit ia u Deputy Registrar (Exam)

Ka Khasi Students' Union (KSU) NEHU Unit hynne ka sngi kata ka 24tarik Jylliew 2022 hapoh ka jingialam jong I Vice President jong ka seng kata i Samla Lajied Thabah ha ryngkat ka jingia donlang jong ki katto katne ngut ki dkhot jong ka seng kiba la leit ban ia synrang lang ban iakynduh bad u Deputy Registrar (Exam) jong ka Skulbah NEHU halor ka jingpynslem jong ka Examination Department ban pynbiang ia ki Degree Certificates jong ki khynnah pule jong ka Skulbah bad ruh jong ki affiliated colleges. Kat Kum ki aiñ pyniaid jong ka NEHU, kadei ia ka Examination Department ban pynbiang noh ia ki Certificates jong ki samla pule 10 sngi hadien ka Convocation hynrei wat haduh kine ki sngi ba mynta ruh kim shym la lah ban pynbiang. 

     

Ka jingpynslem jong ka Examination Department ia ki Certificates kam dei kaei kaei kaba thymmai bad na ka liang jong ka seng na kapor sha kapor ka ju leit ban ia tuklar bad ban bankhia sha ki bor pyniaid halor ki jingpynkloi jong ki ia ka kam. Kumba ju long man kapor ka Examination Department ka sei ia ki daw jongki halor ka jingpynslem kalong namar ba ki duna ki nongtrei bad ka shem jingeh ia ki ban pyntyllun ia ki kam ha ka por ba biang. Ka seng ka la ai ruh ia ki jingbthah sha ka Examination Department ba kidei ban shim khia ban ban banjur ia ki bor ba halor ban pynmih noh shen ia ki khubor lait Kam (recruitment) ha ka Skulbah ba kan nym dkoh ha ka jingtyllun jong ka kam. 


   Halor ka jingiakren bad u Deputy Registrar Mr. P. P. Dey ka seng ka la pynpaw ia ka jingshem jingeh jongki khynnah pule khamtam kiba sah jngai na Sor Shillong ban wan ban mih man kapor sha ka Skulbah NEHU Shillong namar ki nongtrei ha Examination Department ki bthah ia ki ba kin wan hadien shitaiew ne artaiew hynrei wat hadein kata ruh kim lah ban pynbiang ia kam bad Kane ka shem jingeh shibun ia ki samla pule, ka jingiakren bad u Registrar u la kular ruh ba kan nym don shuh kiba Kum kine jingeh ha ki sngi ki ban wan bad ba un shim khia ia ka kam.


Ia kane ka kyrwoh la phah katkum U Publicity Secretary ka KSU NEHU Unit Samla Spehsylli R. Thabah

0 Comment(s)

Write a Comment

Newsletter

Subscribe to our eNewsletter to get the latest updates.

Back To Top