Leit ai mynsiem bad kitbok - kitrwiang ka KSU Mawshynrut Circle ia u samla ialehkai MMA Khasi Students' union (KSU) haka sngi saitjain 25 tarik Rymphang 2023 jong ka taïew ba ladep hapoh ka jing ialam jong U Samla Armstrong Sohshang President KSU Mawshynrut Circle ha rynkat ka jing synran lang jong U Samla Mevin Puweiñ President KSU Banglapluh Unit lem bad kiwei ki dkhot jong ka seng kila leit kitbok kitrwiang ia U Samla John Ronald Sangriang ha ïing sah jong u kaba don ha Banglapluh hashwa ba un leit ia shim bynta sha ka WFC Fight Night 3 ka ban long ha ka 5tarik Lber 2023 ha Polofield TDSA ground Tezpur, Assam pyrshah ia u rang iakhun katei ka jylla u Prakamya.

U Samla John Ronald Sangriang 22 snem ka arta u dei u khun ba duk khun swet bym don kmie don kpa shuh uba shong ba sah tang ryngkat bad laki para uba dang donkam shibun ki jingiarap na ka bynta ka jingleit ialehkai jong u namar um shem pat ioh kano kano ka jingiarap na ka sorkar haduh mynta. Kum ban shu pynkynmaw U Samla John Ronald Sangriang U la sdang ban ialehkai MMA naduh U snem 2019 bad ula ialehkai ha shibun ki tournament kiba kynthup ha ki jylla Hyderabad, Agartala bad Assam haduh 17 sien bad rem noh tang 3 sien. U shait ialehkai Kick Boxing, Mauythai bad Mix Martial art. 

 Ha u bnai July jong u Snem ba la dep u la leit ia shim bynta sha ka Mass State Sports Talent Identification Program 2022 hapoh ka STAR Program Phase-1 ba la pynlong daka Meghalaya State Olympic Association ha ryngkat ka jing ia treilang jong ka Directorate of Sports and youth Affair Meghalaya Shillong bad u la shah jied na ka bynta ban ioh training shi snem ha ki kam ialehkai. 

Kaba Khatduh na ka liang jong ka KSU Mawshynrut Circle ka phah iaki jingkyrkhu kyrdoh bad kitbok kitrwiang ia u samla John Ronald Sangriang bad kyntu ruh ia u ba un nangtrei shitom haki sap kyrpang kiba u don khnang ba un poi sha ka thong jong ka jing jop bad ban wanrah iaka nam bad ka burom nyngkong iaka ïing ka sem, ka dong ka thain bad iaka jylla baroh kawei.