Ka KSU Umsning Circle ha ka 17 tarik u bnai Rymphang ka lah leit ban kynduh ia ka District Medical & Health Officer (DMHO) hadien ka jingioh jingujor na ki paitbah halor ka jing bym biang ki Doctor ha Umsning CHC.

Ha kane ka jingleit kynduh lah ialam da u Samla Lester Nongbet,u President jong ka KSU Umsning Circle, u Samla Laraplang Nongbri, Secretary ka KSU Umsning Circle bad kiwei kiwei ki Nongialam.

Kum ban shu pynpaw, ka CHC ha Umsning ka shakri ia ki spah tylli ki shnong ha ki dong ki thaiñ Umsning bad ka jingduna doktor ha kane ka CHC ka buh jingeh shi katdei eh ia ki paidbah khamtam ki duk ki suk jong ka thaiñ Umsning.

Ha ka jingleit kynduh jong ka Seng ia i DM&HO,ka lah ioh jingtip na i ba ka jingduna Doktor ha Umsning CHC ka dei na ka daw jong ka jingduna Doktor ha ka jylla baroh kawei hi bad i lah kular ba in kren bad pyn sngew sha ki bor ba halor ba kin peit halor kane ka bynta bad pynbiang ia ka jingduna Doktor haka CHC Umsning.