Ka KSU Nongthymmai circle ha ka 25 tarik u Naiwieng 2023 ka la ioh ban plie paidbah iaka jaka kilan met kaba tip kum ka MAITSHAPHRANG MMA and Fitness team ha iing dorbar hall jong ka shnong Lumiablot.

     U nongialam ba ha khlieh duh jong ka KSU u Samla Lambokstarwell Marngar u la long u Kongsan ha ryngkat ka jingiadon lang jong i Bah Don Khongshei Rangbah Shnong Lumiablot Pyllun kum i Symbud Kongsan.

La sakhi ia kane ka sngi da ka jingiadonlang jong ki Rangbah shnong,Seng Kynthei, Seng Samla jong ki shnong bapher bapher jong ka thaiñ ha ryngkat ki nongkitkam ka Nongthymmai Sports Club, ki nongialam ka KSU sengkmie ki nongialam barim ka KSU.

La ioh ka jingkren naduh u President Ka Circle, Sports Club,Synjuk nongkitkam shnong Samla Fedrick Kharmawphlang uba dei u Vice President barim ka KSU Sengkmie nalor kiwei pat.

Iaka jingialang plie paidbah la pyniaid da u Vice president ka KSU Nongthymmai circle samla Richard Mawkhiew.