Khur Takma Ksiar U Samla Johnny Nongrum u u Sport Secretary jong ka KSU NKHD Unit.

Ka Khasi Students' Union lyngba ka KSU North Khasi Hills District Unit ha ka step jong ka 6 tarik u Lber 2022 ka la leit ban pdiang sngewbha bad pynkup burom ia ki Samla kiba la leit ban shim bynta bad kiba la jop ha katei ka jingiakhun Hades K-Pro kaba la pynlong da ka World Mixed Martial Arts Union ha Goa naduh ka 1 tarik haduh 2 tarik Lber 2022.

Ha kane ka Jingpdiang burom la ialam da u Samla Alexsius Narleng, Asst. General Secretary KSU NKHD Unit, u Samla Sharon Thangkhiew, Asst. Finance Secretary KSU NKHD Unit, u Samla, Toning Lapang Asst. Education Secretary KSU NKHD Unit, u Samla John Lyngdoh Office Secretary KSU NKHD Unit, u Samla Wanphrang Mawthoh, President ka KSU Byrnihat Circle, u Rangbah Shnong jong ka Shnong Byrnihat Proper, ki Nongialam ka Seng KSU NKHD Unit, ki Nongialam ka Byrnihat Circle lem bha ki Dkhot Jong ka Byrnihat Circle.

Kiba la leit ban shim bynta bad ioh takma ki long na ki

Rang ia kura

1. Wanlamkupar thabah(Takma rupa).

2. Banshem Pathaw(Takma Rupa).

3. Kyrshanlang Dkhar(Takma rnong).

4.Johny Nongrum(Takma Ksiar).

Thei ia Kura

1. Futurecy Sohiong(Takma Rupa).

2. Da i hun shisha Mawlong(Takma rnong).

3. Inesha Dkhar(Takma Rnong).

Official

1. Mordekai simon Kharpuri(coach).

2. Badonbor Sylliang(manager).

3. Pyrkhat Sohiong (official).

U Samla Johnny Nongrum u ba la wan nam da ka takma Ksiar u ba dei ruh u Sports Secretary jong ka KSU NKHD Unit ha kajuh ka por u ba la jop ruh ha kane katei ka Jingialehkai u la ong "Nga ai Khublei ia ka Seng Khasi Students Union kaba la pdiang Sngewbha ia ngi ryngkat kine ki jingpynkup burom, nga ai nguh ia u Blei u ba la btin lynti ia ngi naduh ba ngi mih nangne haduh ba ngin wan phai ryngkat ka jingjop, nga kyrpad sha ki para Samla ban ia shim khia haba ki don sap ban ialehkai sports ym ban Shu shim ia ka tang ka jinglehkai byrngia hynrei ban shimkhia ha ki kam ialehkai bad ngi khmih lynti ban iohi Shibun ki samla ki ban wanrah ka Burom ia ka bri hynniewtrep bad ia ka Jylla hi baroh kawei".