Ka Khasi Students' Union, Nongmensong unit  mynta ka janmiet haka por 9 baje mynmiet ka la ioh jingtip hakaba iadei bad ka jingwan ki bar jylla ban trei ban ktah hapoh u pud u Sam ka shnong Nongmensong. Ka seng mar mar hapoh ka jingialam u samla Alkwis Kharbani Vice president ka Nongmensong unit ha ryngkat ka jingdonlang u Samla Banjop Dkhar(Organizing secretary) samla Jeremiah pohthmi (asst Education secretary) kala leit haka jaka ba poi kitei ki bar jylla bad shem ba ki don shisha haduh 10 haduh 15 ngut ki bar jylla kiba thmu ban wan trei ha ka shnong Nongmensong  khlem ki kot ki sla kiba biang katkum ka Inter state migrant works act 2012 jong ka jylla Meghalaya, lyngba ka wei ka kali Assam kaba don ia u Registration No. As 01 L C 6915. Hadien ka ka jingtohkit kaba bniah la shem ruh ba kitei ki bar jylla ki thmu ban wan trei ha  ka Dhar Construction company. 

Ka seng  hadien ba ka shem  na ki por sha ki por ia ka jingleh baheh bad iuh roit kine ki bar jylla khlem salia wat ban lehbor bad pyn mynsaw iaki para doh para snam, kumta  lyngba kane ka kyrwoh ka maham tyngeh ia kino kino ki contractor lane ki Construction company kiba  ba ju mlien lane thmu ban wanrah ia ki nongtrei bar jylla khlem ki kot ki sla kiba biang kat kum ki jingdonkam ka por,  ka seng kan ym shong kli kti hynrei kan shim iaki sienjam kiba tyngeh bad ki nong wanlam iakitei ki bar kylla  kin hap ban shim iaka jingkitkhlieh ha kaba khatduh.