Ka KSU Malki Circle ha ka 22 tarik u Jymmang 2023 ka la pynkup burom ia i Bah Shemphang Lang Lyngdoh Mawphlang na bynta ka synńiang u bynhei ba i lah ai sha ka Jaidbynriew bad sha ka shnong Malki lyngba ka KSU.

         Ha kane ka sngi la iadon ryngkat lang bad la ioh jingkren na u Samla Kyrshan Jaraiń - General Secretary ka KSU Malki Circle 2008-2014. La ioh jingkren ruh na u Samla Thomas Mawthoh - Assistant General Secretary, Andre Malngiang - Finance Secretary bad na u Samla Iashanborlang Mukhim - President ka KSU Malki Circle.

La pynkup burom ia I Bah Shemphang da u President ka Circle bad la ioh ruh ka jingkren na I Bah Shemphang Lang Lyngdoh Mawphlang.

Kumba ju long hi I Bah Shemphang i la sdang iaka jingkren da kaba ainguh shwa ia u Blei u nongbuh nongthaw bad nangta in sa bteng pat iaka jingkren da kaba batai lut ia ka jingsdang ka jingiaid lynti jong I haka KSU.

Ha kaba sdang i la batai ba i la rung sha ka seng KSU ha u snem 2006 bad hadien kato katne por,i la shah jied ban long kum u Vice - President jong ka Circle. Ha u snem 2010 ka la don ka Election ban pynthymmai Nongkitkam jong ka Circle bad namar ba i Bah Shemphang i long u dkhot uba la ih bha napdeng baroh, ki dkhot ki la jied ia i Bah Shemphang ban long syndon kum u President jong ka KSU Malki Circle . I Bah Shemphang i la ban da kaba batai ba haka KSU ngi long beit kum shipara.

 U la bynrap ba ha ki khep ki khep ha kaba sdang ngi la ban iathud para dkhot hynrei hadien ki jingiaid lynti lang ha ki kam seng bapher bapher bad uta uba phi iathud hi, ha kaba kut patde phin don ka jingiajan kaba skhem bha bad u, la ong i Bah Shemphang.

I la iathuh ruh ba ka KSU Malki Circle ka long kaba khlaiñ bha ha ka por ba mynshwa, khamtam eh haki snem ba dang ialam i Bah Bull N. Lyngdoh(bam kwai dwai ha dwar u Blei). Ha ka por jong i ruh ki dkhot kim ju duna ia ka 50 ngut eiei bad i ong ba kidei ki jingpyrshang jong i kum u nongialam kaba lah ban pynkhlaiñ biang pat ia ka shnat treikam. I la bynrap shuh ba lada kino kino ki shnat treikam jong ka Seng ki khlaiñ bha haki por mynshwa,lada ki tlot noh mynta ka jynjar bha ban rah biang iaki ha kata ka kyrdan ba ki don mynshwa. Te na kata ka daw i la sneng ba kadei ka kamram jong ki Nongialam jong kita ki shnat treikam ban pyntikna ba ka lama jong kata ka shnat treikam jong ka Seng kan dang ïai kaweh bad ba kin nang rah ruh lyngba ka rukom treikam iala ki shnat ha kata ka kyrdan kaba halor. 

I la iathuh ruh ba i la bat lai samoi kum u President ka KSU Malki Circle bad haka samoi kaba 4 ha u 2019 na ki daw bym lah kiar i la shongthait noh na ka kyrdan President bad ila aiti noh ha Executive Committee jong ka KSU Malki Circle ban jied noh ia u President ba thymmai. I la pynshai ruh ba i la iehnoh ia ka kam namar ba i lah iohi ba ki la don ki dkhot kiba la lah ban shimti noh iaka kam ban ialam kiba la dep ioh jinghikai na i.

I la ai ruh ia ki kyntien ai mynsiem ia ki dkhot jong ka Malki Circle bad i la kular ba in dang don ryngkat hi bad ka seng lada ki para ki hynmen ki donkam ia i. I la pynkut ia ka jingkren da kine ki kyntien "Nga la mih na ïing i mei la 4 snem mynta hynrei nga dang poi beit sha ïing jong i lada i donkam ne um donkam ruh, ka KSU ruh ka la dei kum ka ïing kmie jongnga, lada ki hynmen ki para ki donkam ianga ngan don ryngkat beit ha syndah bad ka