Ka Khasi Students' Union (KSU) Umsamlem Unit kaba hap ha ka jingpeit jingkhmih jong ka KSU Umsning Circle ha ka 14 tarik Naitung 2022 ka la ioh ban pynkup burom da ka Maitshaphrang Academic Award 2022 ia ki 15 ngut ki samla pule kiba pass bha ha ka eksamin bapher bapher ha ka Shnong Umsamlem.

Ha kane ka sngi la la don ryngkat naduh U Samla Banjop Maring Education Secretary KSU NKHD Unit,U Samla Vincent Makri Asst Finance KSU NKHD Unit,U Jeffrey Wahlang General Secretary KSU Umsning Circle, u Laraplang Nongbri Education Secretary KSU Umsning Circle,U Jester Nongbet Publicity Secretary KSU Umsning Circle, kiwei kiwei ki dkhot Nongialam jong ka KSU Umsning Circle, ki dkhot Nongialam jong ka KSU Umsamlem Unit lem bad ki Nongialam Shnong jong ka Shnong Umsamlem.

Haba ai jingkren, u Samla Jester Nongbet u lah ai Mynsiem sha ki Samla pule jong katei ka Shnong bad u lah kyntu ruh ba kin long kiba trei Shitom bad kiba Minot khnang ba la shem snem ka khusnam ba ka KSU ka ai kan long kum ka jingpynshlur sha ki para samla bad na ka 15 ngut ki Samla ba ka ioh ban pyn kup burom mynta u snemkan poi sha ka 30 ngut, 40 ngut ha ki snem ban sa wan.

Haba ioh jingkren na ka liang U samla Banjop Maring u ba dei u Kongsan ha katei ka jingialang pynkup burom ia ki samla pule u sneng la kraw ba ki samla kin shim ia ka pule puthi ba ka dei ka mat ba kongsan ha ka jingim briew namar ka dei ka wei pat ka stieh ban kyntiew bad iarap ia ka jingim briew, u la pynkynmaw ruh ia ki Samla pule ba kin pyndonkam hok ia ka bor jong ka jingstad lyngba u khulom ba ki la ioh namar ka dong ka thain kan phai khmat sha phi ki samla.