Hadien ba la kut ka samoi treikam Jong ka KSU Jirang circle , Ka KSU North Khasi Hills District Unit ha ka 25 tarik u Naiwieng 2023 ka la ioh ban Pynskhem ia ki nongkitkam ia ki nongkitkam ba thymmai Jong ka Jirang Circle.

Ha kane ka sngi u General Secretary ka KSU Sengkmie u Samla Donald V Thabah u la shim ia ka bynta ban Pynskhem iakitei ki Nongkitkam ba thymmai ka KSU Jirang circle ,ha kane ka sngi la wanlang ban sakhi da u Samla Biangbor L Paliar vice president KSU Sengkmie, Samla James H Mawphniang General secretary KSU NKHD unit, Samla Khrawbor Sylliang Assistant organising secretary NKHD unit, Samla Banjop Maring Education secretary NKHD unit, Samla Jayan Sylliang dkhot NKHD unit , Samla Receive Pator President KSU Western border area bad kiwei ki nongialam ka KSU NKHD unit ha ryngkat ki nongialam na Hima Hirang ba kynthup i Paiem R.H Wahlang, ki sordar , ki senglongkmie Hima jirang bad lem bad kiwei de ki riew Rangbah kiba lah shah khot sngewbha.

Ha kane ka sngi la pynlong ia ka jingialang Pynskhem nongkitkam ha Iingdorbar hall New Jirang ha kaba la pyniaid ia ka jingialang da u Samla James H Mawphniang bad la ioh jingkren ban sneng ban kyntu da i Samla Donald V Thabah, paiem Hima jirang, Kong Plonsi Nongphlang, Samla Banjop Maring, Samla Khrawbor Sylliang, Samla Biangbor L Paliar kiba la ai ka kyntien sneng kyntu bad kitbok kitriang ia ki nongkitkam ba thymmai ka KSU Jirang circle.

○Haba ai jingkren ha katei ka sngi na ka Liang u Samla Donald V Thabah u la pynkynmaw ia ka jingpyniar(expansion )ia ki it ki hima da kaba ai nuksa Kum ha ki ri Phareng ne ki ri sepngi da ka jingbuhai shnong na kiwei ki ri sha kiwei pat khnang ba kin ioh klun lut ki jaka ki puta da kaba wanrah ia ka rukom im jong ki ha ka synshar khadar, khaii ka pateng haduh ba bun ki trai ri trai muluk ha ka pyrthei ki la shah synshar ha ki British, ki Spanish, ki Portugese ha kiba ki trai ri kum ki native america lane ki Red Indian ki kylla rit paid bad ki don satang 1 percent ka jingdonpaid ha America, u la pynkynmaw ruh ba Kum ki dkhot ka KSU ba dei ban skhem ka Nongrim khlem da iapein ia ka dor ka tyngka hano hano ruh bad ymdei ban shah thied bad lilam ia ka ri bad ka jaitbynriew hi baroh kawei,u la pynshai ruh ia ka thymmei ba ki wan naei bad ka tynrai Jong ki ba ki don ka kata ka process of assimilation kaba long ka tynrai ba ki im ka rukom im ka rukom bam bad riti ka dustur ka jong ki , u la phai pat sha ka ri bad ka jaidbynriew Jong ba hapdeng kiba bun ki jingeh ba ka KSU ka ia kynduh hakaba ki bor sorkar ki thmu ban pyndam bad pynjah kyrteng ia ka naduh ki snem kiba mynshwa haduh mynta hynrei kim lah satia namar ki nongialam ka KSU ki long kiba stad ha ka bor jabieng ruh ym tang ba ki khlain ka bor met , u la pynkynmaw ruh ha ka ktien ka ka thylliej hooid dei ban nang ban kren Hindi bad ban kren Phareng hynrei ymdei pat ban klet ia ka ktien lade kaba long ka ktien khasi, u la kyntu ruh ia ki nongkitkam ba thymmai ba kin long ki Samla ban tbeh ia ka sharak ban ai jingshai bad pynshai ia ka dong ka thaiñ jirang hi baroh kawei bad kyntang iawai u ai ka jingkitbok kitriang ia ki nongkitkam ka KSU Jirang circle baroh kawei.

○Haba phai sha ka jingkren u Paiem ka Hima Jirang u la pynpaw ia ka jingsngew nguh bad sngew burom eh ia ka KSU bad u kyrmen skhem ban ioh ka iatrei ryngkat khamtam ki jingshem jingeh haba iadei bad ka pule ka puthi ha katei ka dong ka thaiñ JIRANG.

○Ha kane ka sngi la ioh ruh ka jingsneng jingkyntu da i Kong Plonsi Nongphlang iba la khot bad wer ia ki Dkhot ka KSU Jirang circle ba kin iatrei lang bad ki kumno ban pynduh jait ia ka kyiad bad khamtam ia u drok ha katei ka dong ka thaiñ ka jong ki bad i la ai ruh ka jingkitbok kitriang ia ki nongkitkam ba thymmai baroh .

○La pynwai ia ka jingialang da i Samla James H Mawphniang ryngkat ki kyntien ai khublei kyrkhu kyrdoh bad da ka jingpyrta ka ktien phira ka KSU " Maitshaphrang Khlur kari".

Ha katei hi ka sngi ka KSU ka la ioh ruh ban pynskhem ia ki nongkitkam ba thymmai ka KSU Umrit unit

Hadien ba la kut ka samoi treikam ka KSU NKHD unit ha ka 25tarik Naiwieng 2023ka la iohlad ban Pynskhem ia ki nongkitkam ba thymmai ka KSU Umrit na ka bynta ka samoi treikam ba thymmai.

Hakane ka sngi la pynlong ia ka jingialang ha Iingdorbar shnong Jong ka shnong Umrit bad la pyniaid ia ka jingialang da u Samla Jester Nongbet, la shim ia ka bynta ban Pynskhem da u Samla James H Mawphniang General secretary KSU NKHD unit, ha ryngkat ka jingiadon lang ki nongialam na ka KSU NKHD Unit ba kynthup Samla Khrawbor Sylliang, Samla Jayan Sylliang, Samla John Lyngdoh, Samla Receive Pator bad kaba sngew tynnad shuh shuh ka long da ka jingsakhi ki nongialam shnong I bah Robin Thangkhiew iba long i Secretary shnong bad kumjuh u ba dei u nongialam barim ka KSU Jirang circle ha ki por ba la dep .

 Haba ai jingkren ha kane ka sngi na ka Liang u bah Robin Thangkhiew u la pynkynmaw shibun ki Matti ba ka KSU Umrit unit ka la leh ha ki jingiaid lynti ki Jong ka bad u pynpaw ka jingsngew kmen ba haduh mynta ki dang mih ki Samla shakhmat ban iasnoh sha ka KSU, kumta u kyntu u khot ia ki Samla ka Umrit unit ba kin long kiba iatrei lang bad ka shnong ka thaw na ka bynta ka imlang ka sahlang ka bha ka miat bad ban ialam ia ki para Samla sha ka jingbha.

Haba phai pat sha ka jingkren u Samla James H Mawphniang uba shim ia ka bynta ba kongsan ban Pynskhem , u la pynkynmaw ia ka jingiaid lynti ka KSU naduh ki por ba la seng ia ka ki khohruh khohram ki ba bun ki ia kynduh Kum ka seng hynrei namar ki Nongrim bad ki kam ba ka leh ka dang ieng rasong haduh mynta, u la pynkynmaw ruh ia ka KSU Umrit unit ba ka dei ka unit kaba donbok ba ka la pynmih ia u khlawait Paul Biswal Makri (bam kwai ha dwar u Blei) uba la Len lade ula aiti ia ka jingim na bynta ka dawbah ka jaitbynriew ha ka jingialeh bad ki bor sorkar, u la kyntu ia ka unit ba ka dei ban leh eiei ban pynsahnam ia utei u Samla uba la Len lade, u Samla James H Mawphniang u la kyntu ruh ia ki dkhot ka KSU Umrit unit ba kin long kiba adkar ha iaid ka ieng ka khlem kano kano ka Dak sniew bad ka nam sniew kaba pynjah burom ia ka seng u la kyntu ruh ba kin treishitom trei shitrhem bad ia trei ryngkat bad ka Circle, ka district, haba pynkut ia ki jingkren u Samla James H Mawphniang u la pynsngew ia ki jingthmu Jong ka seng kumno ban pynwandur bad iaid shaphrang ha ki kam na bynta ka dawbah ka jaitbynriew,u la kyntu ban iatrei ryngkat lang bad ki seng Samla shnong ki seng longkmie, Rangbah shnong bad u la pynkut ka kam kan sawa kham jam ban ia ka ktien.

La pynkut ia ka jingialang da ka jingkren khublei u shongknor Samla Jester Nongbet bad pyrta ka tien phira ka KSU " Maitshaphrang Khlur kari".