Ka KSU Mawthengkut Unit kaba hap hapoh ka jylli treikam jong ka KSU Mawshynrut Circle haka 8  tarik naitung 2021 haka jingialam jong u Samla Bimol Diengdoh President bad U Samla Meban Shemlang Dkhar General Secretary  ha ryngkat ki katto katne ki dkhot   ka la ioh ban leit ai jingiarap ban sam da u khaw sha phra tylli ki longïing  kiba shem jingeh ha Shnong Nongkyn - A bad Mawthengkut. 

Ka seng ka la shim ia kane ka sien jam hadien ba ka iohi iaki Paradoh- Parasnam kiba donkam shisha iaki lad jingiarap kumta na ka liang jong ka seng mar mar ka la synñiang ia kitei ki longïing da ki mar bam mar dih kum shi bynta ban iarap bad kyrshan lem ha kum kane ka por ba wan lyngshop biang U khlam Covid-19. 

  Hakajuh ka por ka seng ka kyntu ruh iaki Paradoh- Parasnam kiba kot bor ba kin wan shakhmat ban kyrshan lem  ia kiba shem jingeh jingjynjar shisha ha kum kane ka por. 

  Ha katei ka sngi la iadonlang ruh ki Nongialam jong ki ar Shnong bad haba ai jingkren ki la ai khublei iaka seng kaba la kloi ban iarap bad synñiang khamtam ha kum kane ka por.