Ka KSU East Jaintia Hills District Unit lyngba ka Education Cell haka 13 tarik u Risaw 2023 ka la leit ban ia kynduh ia ki director jong ka DSEL&DERT Shri Swapnil Tembe (IAS) &Smti R.S Manner halor ka jing bym don Nonghikai Science ha Rymbai Govt Secondary School bad ka jing bym pyntreikam ia artylli ki jaka pule kiba don ha Byndihati kita ka Residential School bad Block Teachers Training Institute. 

Hadien ba ka seng ka la ioh ka jing ujor na ki paidbah ba ym don Nonghikai ha Rymbai Govt Secondary School ka seng ka la leit jurip bad lap ba ym don Nonghikai Science la kumba shi snem eiei bad ka seng ka lap ruh ba kane ka skul ka la khapngiah ki kamra class namar bym biang ki building infrastructure bad kiwei kiwei de ki jingdonkam kum ka Science Laboratory, Computers bad ki Nonghikai pura namar bun ki Nonghikai ba shu wan hikai officiate .

Na ka liang ki dkhot jong ka seng lyngba ka Education Cell ba la lam khmat da U Samla SanTomba Bamon asst Education Secretary ki la ai jingmut ia U Director ban dei ban pynkiew kyrdan noh ia ka Rymbai Govt Secondary School sha ka Higher Secondary School namar kumba long mynta kane ka skul ka dei tang maka ka secondary school jong ka sorkar ha baroh ka East Jaintia. Ka seng ka la pynsngew namar ka la ju don ka proposal na ka school bad khamtam ba ka building thymmai ka la dep myntoi ka lah biang bha ban kyntiew iaka ka skul. 

Naka liang u director u la ong ba ka jingkyntiew kin hap ban sylli bha bad ruh ka seng la pynsngew ba ka dei tang kane hi kawei ka skul ba la bei daka sorkar jylla bad lah i donkam bha ban kyntiew iaka sha Higher Secondary School

Ka seng ka tip ruh ba ki don ki subject ruh kiba ym don nonghikai pura bad kiba hap ban shim kylliang beit da ki para nonghikai katei ka skul.

Ka seng ka lah buh jingthoh sha u Director ba kin khot noh bad ruh bad pynbna paidbah ba ki nongthep kin lah ban tip.

Haba iadei bad ki artylli ki jaka pule kata ka Residential School bad ka Jaka pule pyntbit ia ki Nonghikai ba la ieh lyngkrang khlem da ka pyntreikam satia mynta la 8 snem eiei. Ka seng ka la kren bad kine ki Director jong ka DSEL &DERT ban khmih biang bad ban iakren bad ka sorkar MDA.2 ban pyntreikam noh namar kan long ka jingmyntoi ia ki khun samla ka thaiñ naduh kiba pule bad ha ka ioh kam ioh jam ruh.

Ka seng ka la buddien ruh iaka jingshah ieh shrah kine residential school bad ka Block Institute of Teachers Education (BITE) ba don ha district bad ruh la ioh jingtip ba ka tnat ba dei peit ka dang ialeh ban ioh pisa ban pynbha bad tei biang iaki khamtam na ka central fund. U Director ka DSEL u lah ai khublei ruh iaka seng ba la pynsngew iakine ki mat bad ruh u la kular ban buddien ban pynkloi khnang ban myntoi u paidbah ka district.

Haba iadei bad ka BITE ka seng ka la ioh jingtip ba iakane ka project ym shym lah ieh shrah hynrei ka dang don ha pdeng ka jingpynkhreh ban pyntrei noh hadein ba ka tnat PWD kan pyllait noh. Shuh shuh ka seng ka la kyrpad iaki bor ba dei peit ba kin leit jurip iakane ka building bad ruh ban tip haduh katno lah duhnong bad hap pynbha khnang ba ka jingtei kan nym long kaba sepei. 

Ka seng ka la sngewthuh ba iakane ka project ka dei na bynta ka Block Institute of Teachers Education bad ka seng ka ban ba iakane ka project ka dei ba kyntiew noh shisyndon shaka District Institute of Teachers Education(DITE) khnang ba kan long ka jing iohnong iaka district hi baroh kawei.

Haba iadei bad ki residential school ka seng ka ioh jingtip ba ka tnat ba dei peit ka dang ialeh ban ioh pisa ban pynbha bad ban tei biang bad iakane lah ban mang naka Central fund ka sorkar kmie .

Ka seng ha kane ka sngi ka la pynsngew ruh haba iadei bad ka National Institute of Open Schooling (NIOS) bad na ka liang ka seng kan sa thoh sha u Regional Director kane ka shlem khnang ba ki nongshong shnong ka district kin lah ban ioh myntoi lyngba kane ka sein jam ka sorkar bad kiba pep school shiteng por kin lah ban bteng biang iaka jingpule jong ki.

Ka seng ka la ai copy ruh iaka dorkhas sha u Chairman ka Estimate committee u Bah Mayralborn Syiem halor kane ka mat jong ki building.

Ka seng ka kyrpad jur iaki bor ba dei peit ban pynkloi noh bad khamtam bad phai khmat bha sha ka pule puthi jong ka district.