Ha ka 2 Tarik u Naitung 2021 hadien ba katto katne ki nongshong shnong Jong ka Shnong Thaiñthynroh ki la ujor sha ka KSU Tyrsad Circle ba suba lap iaka jingkhleh ïa u khaw uba suba ba lah ban dei u khaw plastik, kumta mar mar ka Consumers & Farmers Protection Cell ka KSU CEC bad ka KSU Tyrsad Circle hapoh ka jingïalam jong U President bad U General Secretary ki lah leit ban jngoh bad khynra ban lap da la ki Jong ki khmat ha katei ka dukan ba lah thied ia utei u khaw na iew mawlong ba lah lap ruh ba don 3 byrni kum utei u jingsong u bym don kyrteng ha katei ka dukan. 

Kumta na ka liang ka seng ka lah ioh ruh ban pynphai noh ia utei u khaw uba suba dei u khaw plastic bad lah ioh ban kylliang noh da u khaw u ba bha. 

Ka Cell ka la maham jur ruh ban die ia utei u jait khaw katba ym pat ioh ïaka kaiphod na ka sorkar. 

Na ka liang ka KSU Tyrsad ka lah buh ruh ia ka jingujor sha ka ophis Jong ka BDO Mawphlang ban leh ia kaba donkam katba ym pat lah ban ïoh ïa ka kaiphot jong u khaw u ba lah phah test bad ka Consumers’ & Farmers Protection Cell ha kajuh kapor ka ban jur ïaka sorkar ba kadei ban pynkloi ïa ka kaiphod jong u khaw ba lah phah test dang shen.