Ka Khasi Students' Union (KSU) Upper Shillong Circle  mynhynnin ka janmiet ka 20tarik Naiwieng, 2020 ka la ïoh ban pyntiansmai bad pynskhem ïaki dkhot ba thymmai ka KSU Sawmer Unit haka jingïadon ryngkat lang U Secretary Shnong Sawmer bad ki nongïalam ki Seng Samla ryngkat ki nongkitkam ka Upper Shillong  bad ki nongialam na ka KSU Sengkmie. Ïa kane ka jingïalang bala pynïaid da u Samla Shelkitbok Kharbani General Secretary Upper Shillong Circle, bad la ïoh jingkren maitphang na u President ka Seng Samla Sawmer pdengshnong da ki kyntien kyrkhu kyrdoh ia ka KSU Sawmer Unit, la ïoh ruh ïaka jingkren bad kyntu kynpham na u Secretary ka Shnong Sawmer da kaba ong ba "Ka KSU ka dei ban trei shitrhem tyngeh bad iaid ha syndah syndah ki bor ka shnong khnang ban lah ban ratdiengkhong ia ki jingsniew kiba lasdang ban kynrei hapoh Shnong naduh ki jing jur ka jingkhaïi Drok, Kyaid bad kiwei kiwei ki jingsniew, bad u la ong ba ka shong tang ha ka tyrpeng ki samla ban tei janai ia ka lawei ka shnong bad ka Ri ka jaidbynriew hi baroh ka wei, u la pynkut da kaba ong ba dei tang ka seng KSU kaba long shisha ka seng kaba ieng rangbah ban iada ia ka jaidbynriew Khasi",  la ïoh jingkren ruh na u Samla Shngaiñlang Sohkhlet President ka KSU Upper Shillong Circle da ki kyntien kyrkhu kyrdoh bad ai mynsiem ia ki dkhot ba thymmai katei ka Unit bad u la pynkynmaw lypa ba shisien bala shimti ban long kum u dkhot ba pura ka KSU ngi hap ban long ki  ba adkhar ialade bad ngi hap ban mad ruh ia shibun ki jingeh bad ngi hap buh ialade shiliang ka Kjat sha byndi shiliang sha u paidbah", katba na ka liang  u Samla James Hitler Mawphniang Assistant General Secretary CEC u la ong ba "Katba nangkhih phaloh ki jingiakhih bad ka jingshah pyntyrha ka seng bad ka jaidbynriew hi baroh ka wei ha kine ki sngi ba mynta ruh ka mynsiem ialeh bad mynsiem lenlade ki Samla ka bri u Hynñiewtrep  ka nang syaid bad ka long ka jingrhem ka mynsiem haba ioh kumne khrui ia ka jingwan pyniasoh ki Samla kiba angnud ban Shakri hok ia ka jaidbynriew lyngba ka Seng KSU, u la ong ba ha kine ki sngi katba ka District Council ka dang pyrshang ban ai buit ia ka sorkar Jylla bad ka sorkar India ban thaw ia ki aiñ ki ban iada ia ka jaidbynriew ritpaid jong ngi hynrei kyndit ba na ka liang ka sorkar India ka la pyrshang ban ai bor ia ki barjylla ki mynder ri  ban long ki nongmihkhmat bad ki nongthaw aiñ ka District  Council, Kumta ka shong ha ngi ki Samla ba shynrang ka mynsiem ba ngin saiñdur iala ka jong ka jaidbynriew", Ïaka bynta ba kongsan ban  pyntiansmai la shim da u nongïalam ba Rangbah ka Seng u Samla Lambokstarwel Marngar President CEC  bad hadien kata la ïoh ïaka jingkren ka jingkyntu kynpham bad ka jing kitbok kitrwiang ïaki dkhot ba thymmai katei ka Unit.

Khatduh na ka liang u President Rangbah duh ka Seng u la ong  "Ai ba kine ki dkhot ba thymmai ka KSU kin long kiba trei synrop synrop bad ki bor Shnong ki bor thaw bad kin long ki nongtei janai ia ka lawei ka shnong ka imlang sahlang bad ka Ri ka jaidbynriew, bad khamtam eh ba kin long kiba iaid da ka mynsiem sngewrit bad don akor namar kum ka seng kam shem la hikai ba ki dkhot jong ka kin long ki mawjynthut ia ka shnong ne kin long kiba lehheh ne shim kabu iala ki jong ki paradoh parasnam tang namar ba ki don ha ka KSU, bad u la pynsngew ba kum ki Samla kiba la shimti ban bam smai kum u dkhot ba pura ka KSU ngin long kiba iaineh skhem ha la ka nongrim namar kiba bun ki jingpynshoi ki jingkynthoh ki jingkrenbeiñ ba ngin shem nangne shakhmat bad wat ka jingshah pyntyrha lyngba ki mukotduma bad ka ïing byndi ngi hap ban mad shisien ba ngi la shimti ia ka lyngkor ban tynrong hok met bad mynsiem iala ka jong ka Ri bad ka jaidbynriew jong ngi"

Kyntang iawai la ioh ka jingkren khatduh na u Samla Pynshai Kharmalki, President  ka KSU Sawmer Unit da kaba ai khublei kyrpang eh ia ki dkhot ka Sawmer Unit kiba lawan tyrwa hi dalade ban pyniasnoh bad ka KSU, bad u la ong ba lyngba ka jingwan pynrung kine ki Samla sha ka KSU kan long ka jingkyrkhu ia ka shnong ka thaw bad ka Ri ka jaidbynriew  bad u la ong ba ka jaidbynriew ha kine ki sngi ka ladon kam eh ia ki samla ki ban  aiti ialade nabynta ka jaidbynriew namar ha kine ki sngi ki mynder ri ki la pyrshang ban hiarthma ia ka jaidbynriew ha kiba bun ki liang, hynrei ia mynta ba ka KSU ka dang khlaiñ kim lah ban leh eiei bad ki dang hap ban pynrit ialade, Kumta kine ki mynder ri ki la thaw la ka buit ka bor ban pynkhyllem shuwa ia ka KSU khnang ban lah ban pyn madan noh syndon ia ka jaidbynriew, hynrei katba ka Lama ka KSU ka dang keweh ka jaidbynriew Kam pat shem ladon ha tmier ka riat hynrei ka jaidbynriew  ka dang don ha u Mawsiang baskhem namar dang don shibun ki samla ki ba kloi ban aiti ha madan thma nabynta ka lawei ba phyrnai ki pateng ban wan".

La ioh ka jingkren pynwai  na u General Secretary ka KSU Upper Shillong u Samla Shalkitbok Kharbani da kaba ong ba " Kine ki sngi ngi iohi ba shibun ki Samla kiba la pyrshang ban khñiot na ryngdang ki nongshun jong ka jaidbynriew hynrei ka donkam eh ruh ia ngi ba ngin khñiot sa na kpoh jong ki khnang ba lada ki iap thngan kin ym don jaka ban shong bad kin hap ban phet krad hi dalade".

Ki nongialam bad ki dkhot ba thymmai ka KSU Sawmer Unit ki long:-

President - Pynshai Kelly Kharmalki

Vice president - Daniel Kharbani, 

General Secretary - Banshan Kurkalang , 

Assistant General Secretary - Revan

                                                    Kharmawlong

Organising Secretary: Casperson

                                                   Kharkongngor 

Assistant Organising Secretary - Clearance                                                            Nongneng

Education Secretary - Defendlywell

                                                           Mawiong 

Environment Secretary - Wan Diengdoh

Assistant Environment Secretary - Akbar

                                                               Kurbah 

Publicity Secretary - Lamphang Kharmalki Assistant Publicity Secretary -Aibadonlang                                                               Kharbani

Ki ExecutiveMember ki long :- 

1)  Denzil Kharshandi

2)  Bakyrmen Kharkongngor

3)  Kitdor Kharkongngor

4)  Freddy Jyrwa

5)  Donald Kurbah

6)  Nathaniel Dkhar 

7)  Sanjay Kurbah

8)  Kejune Kurbah

 9) Wanpynshngaiñ Kharbani 

10)Wankitkupar Kharumnuid

11) Barikupar Kharumnuid

12) Glan Kerry Kharkongngor

13) Greatly Sankli 

14) Wanshngaiñ Kharshandi

15) Wellyson Kharkongngor.