Pdiang burom ka KSU ia ki Samla ba Wanrah Burom Ia ka Jylla
Ngi da Angnud Shisha ban Kyntiew ia ki Samla Ka Bri u Hynñiewtrep ha ka liang ki jing ialehkai : KSU
Ban Dang Pynshlur ban dang Pyrsad Mynsiem bad ban dang iai ia khun Tyngeh, Ka KSU Central Executive Council ha ka 25 Tarik Naiwieng 2021 ka la pdiang sngewbha da kaba pynkup burom ruh ia ki Samla ialehkai ha ka Pro national kickboxing kaba la long ha ka jylla West Bengal, Mirik Darjeeling .
Kine ki Samla kiba ka KSU ka la pynkup burom ki kynthup ia u Babit Kharsahnoh low kick -52 ba lah ioh rah iaka title belt ,U Pynshrain Miki rabon low kick -65 u ba la ioh ia ka First runners up, U Shai borlang lyngdoh iaka musical form training camp bad u Mantre lino dkhar Sponsored and team coach.
Ia kane ka jing pdiang sngewbha la pynlong ha Ophis Treikam Jong ka KSU ha Jaiaw da ka jing ia don lang u Samla Ostarnic Marbañiang Organising Secretary KSU Central Executive Council, samla Spaiñdarsing Lyngkhoi Office Secretary KSU Central Executive Council u Samla Badonkupar Nongbri Assistant Organising Secretary KSU Central Executive Council ryngkat lang ki Para dkhot ka Seng.Ka KSU ka Dap da ka jingkmen ban iohi ba ki Samla ka Ri ki la dang kiew irat ha ki kam ialehkai la ki long ha kino kino ki jait jingialehkai ruh kumta ban dang pynshlur Ia ki Samla Trai ri trai muluk ka KSU ka Kyntu ia ki Samla ka Bri Hynniewtrep Hynñiew skum ban shim ia ka lad da kaba pyn donkam hok ia ka Sap buit la bor khnang ba ka Jylla jongngi kan ym kyrduh ha ka liang ka Sport ha kaba ki Samla Trai ri ki dei hok ban ioh mih khmat ia ka Jylla ka jongngi ha ki jingialehkai ba pher bapher.
Katno ngin sngew sarong ba ngin iohi ba ki Samla jongngi kim dei shuh kiba dang duna ha ka liang ka Jingïaleh Kai kumta kum ka Seng naduh kham mynshwa ki Tnat treikam kylleng ka Bri Hynniewtrep ki ju pynlong ia ki jingialeh kai ba pher ba pher ha man ki shnong kum ka Thong ban rah sha jrong ia ki Samla ba Don Shisha ia ka Sap Nylla ka jong ki.
Kyntang ia wai ngi da kyntu Jur ia baroh ki Samla nong ialeh kai Pyndonkam hok ia ka Sap khnang ba ka Kyrteng jongphi kam dei ban kut tang ha ki Saw Kynroh ka Jylla Meghalaya hynrei ka dei ban Pur Kylleng Sawdong ka Ri.
Khmih Samla Ba phin tip Shano ba phin Jam Don u Khlur ban Lam Lynti Im ka Kyrteng Sah ka Nam.
Khublei Shibun
Samla Pynshai Rani
Publicity Secretary KSU Central Executive Council
Tags :
2 Comment(s)
Khublei Shibun Eh ïa Ka KSU Central Body ban pyn kup burom lem ïa ki khynnah ïalehkai rangkilanmet ha ka jingialehkai martial arts Kickboxing. Ka Meghalaya State Kickboxing Association sa shisien ka ai khublei kyrpang ïa kine ki khun samla ka Ri ba ki la long kiba shlur shisha ban mih sha khmat ban tur ha ka thma jingialeh kai hapdeng ki jingeh kiba bun. Hynrei u soh ka jingtrei shitom jongki u long ka jingkyrmen bad jingkmen ïa ngi lang baroh ba pleng ym don kano kano ka jingeh kaba ngi lah ban jop Beit lada ngi minot bad im sngi ban treishitom nalor ka sap mariang (natural talents) ba U Blei Nongbuh Nongthaw U la ai ha ngi khamtam ki Riewlum shatei lam mihngi kynthup ki samla riewlum ka Jylla jongngi ruh. Lorenzo Pearson Warjri Founding Member & Working President Meghalaya State Kickboxing Association (MSKA)
- L W (Larry) 26 Nov, 2021 1 0
Khublei shihajar nguh ia ka jingkyrshan ka jong phi kum ka seng ia ngi ki samla ialehkai to nang kyrkhu kyrdoh ma phi kum ka seng khnang ba ngin nang ioh ban poi sha ka thong Maitshaphrang khlur ri Im slem ri khasi..
- S l Mawphlang 26 Nov, 2021 1 0