Ha ka 1 Tarik Naitung 2021 ka KSU Nongthliew Circle lyngba ka Kynroh Unit kaba la lam khmat da u Samla Arborstar Pathaw, Ast. Education Secretary bad Samla Pynnehskem  Manik Syiemlieh Publicity Secretary ka KSU Nongthliew Circle ka la leit ban leit ai jingiarap sha ki 37 tylli ki longiing  kiba la shah ktah na kane ka khangdam jong ka Sorkar na kadaw ka khlam covid-19. 

Kane ka jingiarap ka kynthup ia ki longiing kiba dei ki khunswet, ki riew tymmen bad kiwei kiwei kiba la mad jingeh. Kane ka jingnoh jingiarap la pynlong ha ka shnong Kynroh Nonglum ha kaba la don ryngkat u Samla Spading Mawlong uba long u President ka Kynroh Unit lem ki nongkitkam bad ki dkhot.

 La ioh jingkren na u Sodar Shnong ka Kynroh Nonglum ha kaba u la pdiang sngewbha bad ai khublei pyrto ia ka seng ba shim ia  kane ka sien jam ban iarap sha ki longiing ba shem lanot bad ruh u la pynpaw bad kitbok ia ka seng ba kan nang lah shuh shuh ban ban iai shakri ban iarap ia ki paradoh parasnam.