Ka KSU Mawiong Umjapung Unit ha ka 28.02.2025 ka la ioh ban pynhap pyrda noh ia ka Lympung kynjat bol ha Madan Shnong Mawiong Umjapung. Ia kane ka Lympung lehkai la ai Nam ai Burom ia ha Kyrteng u Bah Lurshai Hynñewta u Dkhot ka KSU Sohra uba lah shah dkhat jubor ia ia ka Jingim San Snem mynshwa ha ki Riew Thrang Snam ki bym dei ki Khasi ha ka Shnong Pyntha Umdan kaba la ju tip mynshwa kum ka Itchamati.

Ia kane ka jingialehkai lah wan ban sakhi da u General Secretary KSU Samla Donald V. Thabah Kum u Kongsan, samla Eddie Malngiang Assistant Organising Secretary KSU, Samla Badonbok Malngiang Sport Secretary KSU Mawlai Circle, Samla Rapborlang Nongrum Ex-Genearal Secretary KSU Mawlai Circle bad ki Dkhot ka KSU Mawlai Circle.

Ha kane ka jingialehkai ka Topardo-B ka ioh rah ia ka Thong ka jingjop da kaba pynliem Noh ia ka Mawiongrim ha ka jingia shut Tie-Breaker.