Ka Khasi Students' Union (KSU) Mawprem Circle kum shi bynta ban kynmaw tympang ia ka lyngkhuh sngi iap ba 81 jong u myllung Soso Tham ka la pynlong ia ka Maitshaphrang Achievement Award ba 8 ar sngi lynter kata ka 17 bad 18 tarik u Nohprah 2021. Ha kane ka lympung nalor ka jingpynkup burom ia ki samla na ka thaiñ Mawprem (Lower Mawprem, Upper Mawprem, Dymmiew, Lumkshaid, Dymmiew & Lama Villa), ka la pynlong ruh ia ka jingiakob thoh poitri, drawing bad painting. Ka mat jong ka jingiakob thoh poitri ka long halor iwei na ki riewkhraw ka Jaidbynriew Khasi kata u myllung Soso Tham, u Woh Kiang Nangbah, u Pa'iem Tirot Sing Syiem, u Pa'iem Wickliffe Syiem bad ka Phan Nonglait. Ka mat jong ki jingiakob drawing bad painting pat ka long halor ka jingktah u droks ia ka imlang ka sahlang. 

Ha ka prokram ba long ha ka 18 tarik u Nohprah 2021, ka KSU Mawprem Circle ka la pynkup burom haduh 9 ngut ki samla kiba wan sha khmat ha ka 10th examination, 20 ngut ha ka 12th examination, 4 ngut ha ka Bachelor's degree bad 8 ngut ha ka Master's degree. 

Ki nongjop ha ki jingiakob thoh poitri, drawing bad painting ki long kumne harum:

Poetry: 1st- Stefanie Dkhar

2nd - Damewon Stephan Dkhar

3rd - Boney Thabah

Drawing : 1st - Sandraliza Dkhar

2nd - Pynskhemlang Nongkynrih

3rd - Risha Nongkynrih

Painting: 1st - Manuel Lashem Rynghang

2nd - Jeremy Mejop Rynghang

3rd - Darian Meai Rynghang

Ka KSU Mawprem Circle ha kane ka sngi ka la pynkup burom ruh ia ki nongialam barim ka KSU Mawprem kiba la ialam ia ka seng ha Mawprem naduh u 1987 kiba kynthup ia kine harum ba la thoh naduh ba sdang ha u 1987 ter ter haduh u 2017:

Arbor Sohtun, Arju Dkhar, Raikortam Marbaniang, Samuel B Jyrwa, Kammon Challam, Rishan Nongsiej, Lamki Laloo, Roibha Lyngdoh, Andy Mutyen, Danny Nongsiej, (L) Badap Kupar Dkhar bad Roch B Nongbet.

Ha kane ka sngi la long kongsan da i bah Samuel B Jyrwa (Chairman, NESO) bad u symbud kongsan u long u bah Donald V Thabah (General Secretary, KSU CEC). La ia don ryngkat ruh i bah Adreas Marbaniang (Secretary Shnong, Lama Villa), i Father Genesimus Nongneng bad i bah Reginald Thabah (President, FKJGP Mawprem Circle). La pynrhem shuh shuh ia ka prokram da ki jingrwai tynrai ba la ai da ka kynhun Bahun & Group.

Ka KSU Mawprem Circle ka pynpaw ruh ia ka jingsngewnguh ia i Father Genesimus iba la ai sngewbha ia ka hall jong ka St. Albert's School, Sngithiang, Lower Mawprem sha ka KSU Mawprem Circle ban pynlong ia katei ka prokram bad kumjuh ruh ba i la buh ka jingduwai ha khmat baroh ha shwa ban sdang ia ka prokram. Ka KSU ka pynpaw ruh ka jingsngewnguh ia u samla Harold Bankerlang Thabah u ba la kloi ban long kum u nongbishar ia ki jingiakob thoh poitri, drawing bad painting. 

Khublei Shibun

Arristone Thabah

President 

KSU Mawprem Circle