PYNSANGEH KA KSU IA KA BUS MEGHALAYA TOURISM DEVELOPMENT COOPERATION KABA KAMAI NA UMROI AIRPORT SHA SHILLONG
Ka Khasi Students' Union ( KSU ) North Khasi Hills Eastern Border Area ha ka 29 tarik u Nailur 2022 ka la leit ban pynsangeh noh ia ka Wei ka bus Jong ka Meghalaya Tourism Development cooperation (MTDC) kaba ju kamai man ka sngi na Umroi airport sha shillong hadien ba na ka liang ka Seng ka la ioh jing ujor na ka Shillong Airport Taxi Driver Association.
Ha kane ka sngi la lamkhmat da u samla Banjovial Nongrum organising secretary NKHEBA, samla Traction syiem Vice President KSU NKHEBA, samla Michael susngi Assistant organising secretary NKHD Unit, samla Richard Lyngdoh Education secretary NKHEBA lem bad ki dkhot jong ka KSU NKHEBA bad na ka liang Shillong Airport Taxi Driver Association la lamkhmat da u working president Bah Bansiewdor Nongdhar.
U samla Banjovial Nongrum Organising secretary NKHEBA, u la pynrem jur ia Ka Meghalaya Tourism Development cooperation kaba phah ban kamai da ka Bus na Umroi Airport sha Shillong kaba la ktah mationg ia ki driver kiba ju kamai jakpoh ha airport bad u la pynrem ruh ia ka jingleh mynthi na ka liang ka department wat hadien Jong ka SATDA ka la buh ia ka jingthoh ban pynsangeh noh ban pynkamai ia ka bus bad u la ong ruh ba jingwan kamai Jong ka bus ka la pynduh nong ka ba khraw ia kiba nongniah tourist ha kaba tang Kawei ka bus ka la thep lupa 50 -60 ngut ki briew, bad u la ong ruh ba lada ka department kam pynsangeh ia ka jingwan ka mai jong ka bus nangne shakhamt na ka liang ka Seng kam banse ban pyni da ka kam.
U working president jing ka SATDA bah Bansiewdor Nongdhar u la ong ba naduh ba ka bus ka wan ban kamai ha airport ka long ka jingduh nong kaba khraw ia ki driver kiba kamai hapoh airport namar ba kamai Jong ki kim ioh shuh wat tang shitrip ha ka shi sngi bad ha ka shitaiew ki ioh eh tang artrip kaba la Pynlong ba kin leit ban kynduh ia ka ka office Jong ka Meghalaya Tourism Development cooperation ha shillong ha ka 27 tarik u June 2022 hynrei wat hadien hynriew bnai ba ki la leit buh jingthoh sha office ka bus ka dang bteng ban wan ban kamai hapoh airport bad na ka liang u working president u la ai khublei kyrpang ia ka KSU NKHEBA kaba la kloi ban iarap ia ka association ban khang ia ka jingwan kamai Jong ka bus hapoh Airport.
Tags :
4 Comment(s)
Keep it up and fight for your rights
- F 29 Sep, 2022 4 8
Bah ka bus kadei na bynta Ki paid bah.Katno napdeng phi ki nongkhang phi la ju leit jingleit na Umroi Airport.Ki bai taxi nangne Ki rem ban ka flight ticket.Ki bus Ki dei kiba donkam lang bad Ki taxi.Ki ju don ruh ha kiwei Ki airport kum ha Guwahati ruh.Ka mon Ki paid bah ki kiew da taxi be bus dei ka Mon jong Ki.Sngewbha pynbeit ia kito Ki taxi alto ba kin pyn beit lang ka dor bai reserve taxi .Sa pyrkhat Lem Kane na airport kadei na bynta Ki passenger.Ki passenger Ki khlem phah khang.Lada Ki taxi Kim sngew I'm pynbeit Ki dor ba phi shim.
- F 29 Sep, 2022 14 3
Ym ju tip ba ka KSU ka ieng na ka bynta kiba shim kabu pyrshah ia ka mon u nongiaid nongieng. Bai flight shaduh Kolkata Rs 2500. Bai taxi na airport ha Shillong Rs 2000. Ko khlur ka ri to ieng iada lem ia ka hok kiba pli ki bym don association.
- D 30 Sep, 2022 11 1
Balei ka KSU ka leh biej, pyrkhat na bynta ki paidbah ne na bynta kata ka taxi association kaba shu am dor palat khlem sngew ia hap dor shuh. Tang ba pyndonkam da ka flight te ki shu sngew beit ba lah riewspah ba bun pisa ba ki shu oh dor khlem raiñ. Ka shong ha ki paidbah keiñ da ki kwah shim da ka bus ne taxi, balei kita ki taxi driver kin shu pyniaid ma ki. Ko KSU sngewbha leh ia kaba dei um ban shu peit shi liang khmat
- M 30 Sep, 2022 6 0