Ka Consumers' & Farmers Protection Cell jong ka Khasi Students' Union  Central Executive Council hapoh ka jingïalam jong u Samla Spaiñdarsing Lyngkhoi u ba dei ruh u Chairman jong ka Cell ha ka step jong ka 28 tarik U Jymmang ka la leit Ïakren hi bad ki Magistrate ha Anjali Petrol pump halor ki daw jong  ka jingshah thlia bad shah pyn wit ha ki bor pahara ïa ka rung ka mih jong ki nongwan die jingdie, ki nong wanrah ïaki mar bad ki nongrep shapoh jka ïew dielang kaba don ha Iewduh. 

Kane ka tnat treikam ka KSU, ka la pynpaw ia ka jingsngewkhia halor ka jingsam jingtip jong ka sorkar ha kaba ïadei bad ki pass namar kumba la shem hi, bun na briew kiba wan na kylleng ki thaiñ bapher bapher ki dang kulmar bad duna ka jingïoh jingtip ha kaba ïadei bad ka pass ba kin leit khaïï ïa ki mar ki mata jongki bad kumjuh ruh ïaki nong wanshim ïa ki mar. 

Kumta, na ka liang ka seng ka phah ïa kane ka kyrwoh ban kyntu ïaka sorkar ba kan thaw  ïaki lad ki lynti ban shimkhia halor ka jingsam jingtip bad kumjuh ruh ban pynjynsur ïaka por jongka pass namar kum ha kane ka por khangdam, bun kiba ud halor ka jingkhim ïaka por ban leit shim ia ki mar lane ban leit wad ia ka pass man ka sngi. 

Ha kane kajuh ka step, ka Seng ka la Ïoh ban phah pyllait ïa ki katto katne ki nongwan die kiba wan na ki thaiñ Pomlakrai bad kiwei ki thaiñ halor ka jing bymtip ka jongki halor ka pass sha ïew dielang.

Kumba ka tnad treikam ka Koit ka Khiah ka phah ba kin buh ia ka jingïajngai (social distance) ïa ki nongdie bad ïa baroh, na ka liang ka Seng ruh ka kyntu ruh ïaka sorkar ba kan pynbeit jaka kham bun khnang ba kan duna ka jingkhapñiah tang ha ki khyndiat jaka bad ha kajuh ka por ruh ka kyntu ïaki bor pahara ba kin ym long khor ïaki paradoh parasnam kumba la ïohsngew ha kine ki sngi ba la dep bad lada ka dang ïaï don ka jingshah pynthud ki Nongrep bad ïaki mar ki mata mata jongki, ki nong pynthud kidei ban buria ka bai lut ksan.