Ka KSU EJHDU lyngba ka Education Cell mynta ka sngi ka 17 tarik u Risaw 2023 ka la phah iaka shithi sha u Regional Director ka National Institute of Open Schooling (NIOS) halor lyngba ka mail. Ka seng lyngba ka Education Cell ka la phah iakane ka dorkhas kum shi bynta ban wanrah bad pynshai sha u paidbah halor kane ka sienjam jong ka sorkar pdeng khamtam na bynta kito ki briew kiba lah ieh shiteng por iaka pule puthi ka jong na kadaw ka jingbym kot bor bad ruh kiwei ki daw. 

Ka seng ka don iaka jingthmu ba hakhmat  ban pynkylla dur iaki briew lyngba ka pule ka puthi bad ka seng ka lah shim iakane ka sienjam ban iohi iakata. Ha ka dorkhas ba lah phah sha u Regional Director ka NIOS ka seng ka la kyrpad ruh ban buh iaka awareness program lane ki roadshows kumba lah leh lem ha kiwei ki district bad ruh ban pynshlur ia u paidbah ka thain ban pynrung kyrteng ha kane ka shlem ai jinghikai. Ka seng ka khmih lynti ba ki ba dei peit kin ioh pdiang iakane ka shithi ba phah daka seng bad ruh ban peit lem sha ka thain East Jaintia hi baroh kawei. Ka seng kan sa phah kopi ruh iakane ka dorkhas sha u ba dei peit ka NIOS shillong centre,sha ka DSEO, sha u DC bad ruh sha ki District Mission Coordinator jong ka NIOS ba kin buddien lem.

Ka seng lyngba ka dorkhas ba phah mynta ka sngi ka la dawa ruh ban don ki exam centres ha ka district khnang ba kiba iakhun iaka eksam ba la pynlong daka NIOS kin kham suk haka leit ka wan.