Ngin long ki dieng pynkiang ban khang lad ia ki bar jylla ba wan rung be-ain bad wan tuh iaka kamai kajih ki trai Muluk: KSU Jowai
Ka Khasi Students' Union (KSU) Jowai Unit ha ka 16 tarik Naiweing 2021 ki la ioh bat ia ki bar jylla ba thmu ban wan ban ka mai beain bad ban knieh ia ka Pliang Ja ki para doh para snam ha sor Jowai.
Kine ki bar jylla ki la kam ba ki la wan na ka Jylla West Bengal bad ki khlem don satia pat ia kino kino ki kot ki ban pynshisha la kidei kiba wan na kano ka Jaka, hadien ba ki dkhot ka Seng ki la tohkit ka la shem ba kim la don satia ia ki kot ki sla ba biang kum ka work permit ka labour license bad kiwei kiwei de ki kot donkam.
Bad la ioh jingtip ruh ba kila iaid miet bad kane ka ap jingma ia ki trai shnong jong ka shnong bad kine ki bar jylla ki lah ruh ban leh kino kino ki kam sniew namar ym don ba ithuh ia ki.
Ha kane ka jingbat ia kitei ki Bar Jylla ,Kitei ki Dkhar kila pyrshang ruh wat ban thied ia ki dkhot ka seng daka pisa bad kane ka la pynbitar shisha ia ki dkhot bad nongialam ka KSU Jowai Unit.
Halor kane ka bynta ki pulit jong ka West Jaintia Hills District jowai kila wan ban tuklar da kaba ym shym la ailad ia ka jingthmu ka Seng, ha kane ka sngi ki la rah ruh sha thanat ia ki dkhot ka KSU Jowai unit kiba kynthup ia u President Ewanmi Phawa, General Secretary Leonard Dhar, Publicity Secretary Nidapoi Shadap bad u Ewanmi Kyndait uba dei u dkhot jong katei ka Unit.
Hynrei na ka liang ki dkhot Jong ka KSU Jowai Unit wat la ki shah rah haki pulit ruh kim khlem pyndem hakhmat Jong ki pulit naduh na office trei kam Jong ka seng haduh ha police station ruh ki ieng Rangbah naka bynta ka Ri bad ka jaitbynriew bad iaki dkhot lah pyllait noh iaki hadien ka jingiakren bad ki nongialam Rangbah jong ka KSU Jowai Circle bad ka KSU Jaintia Hill District Unit.
Ka KSU hi kam ai lad da leilei ruh ba ki bar jylla kin wan be-aiñ ha ka Bri u Hynñiewtrep bad ka Kawei ka sur na ka KSU ka long ba ka seng kan iai long ki dieng pynkiang ban khang lad ia ki bar jylla ba wan rung beain ban wan tuh iaka kamai kajih ki trai jylla bad la bynrap ruh ba Ka along kadei ka jaka ban phrang bad pynrhem iaka mynsiem ieid ri ki dkhot ka KSU Ong u Kyrwoh Khubor na ka KSU Jowai Unit.
Tags :
0 Comment(s)