Ka Khasi Students' Union (KSU) Sanshnong Area Unit kala dawa naka ophis MePDCL ban siew bai lutksan halor ka jing shah bat electric uwei u khynnah pule naka skul Maharam Goverment Higher Secondary School Mawkywat uba dei naka shnong Pyndenlyngdoh, South West Khasi Hills District. Ïa une u khynnah la tip kyrteng kum u Astronomis Kharhari uba dei u khynnah pule class 9 mynta u snem.

      Kane ka jingjia ka la jia haka por 10shiteng mynstep jong ka 23 tarik mynta u bnai.Une u khynnah u lah shitom haki bynta jongka kjat bad ki kti kat haduh ba u la duhnoh ïa kawei ka shympriah kti naka kti ka diang bad mynta u don hapdeng ka jingshah sumar ha Civil Hospital  Shillong. 

        Kumta, ka Seng ka dap da ka jing sngewkhia kaba jur ïa kiba kum kine ki jingjia bad ka Seng haka jingshisha ka lah dep ban buh ruh ïaki mat jing dawa haka Ophis u Assistant Engineer MePDCL Mawkyrwat naduh ha kine ki bnai ba la dep ba ka dei ban maramot bad ban ker fencing ïaki bynta ba don u transformer bad ban pynkynriah ruh ïa u line ilektrik haki jaka ba i mynsaw naduh Tynnai ha duh Mawbidong ha baroh San tylli ki shnong area Manad khnang ban lait naki jingjia ba sngewsih kum kine. 

   Ka seng kala dep ban ïa kren ruh bad ka Ofice ba ka dei ban shimkhia halor kine ki mat jingdawa jong ka hynrei haba ïaki mat dawa ym pat lah ban pyntreikam la dep jia noh kane ka jingjia ha kato ka sngi. 

Ka seng namar kata mynta ka kynti ka dawa ba dei ban siew bai lutksan mardor bad ban shimkhia noh kyrkieh ïaki mat jingdawa ka Seng khnang ban pyllait na kiba kum kine ki jingjia ba sngewsih.

Kane ka dei ka kyrwoh na u samla Mansaljune Kharhari (General Secretary KSU Sanshnong Area Unit) bad u samla Johnmilton Shangdiar(President KSU Sanshnong Area Unit)