Ka Khasi Students' Union West Khasi Hills District (KSU WKHD) mynne ka sngi ka 14tarik u Jylliew, 2021 ka laioh ban iarap sngewlem da ka Tin tapïing bad ki marbam mardih ïa ka ïing i bah Binsen Kharmaw kaba don ha ka shnong Mawliehbah. 

Ha katei ka jingleit ïarap sngewlem ka KSU WKHD la ialam u Samla Johnfisher Nongsiang (President) bad ka jing synran lang ka Samla Cacie Nongsiang (Vice President KSU CEC Girls Wing), ha ryngkat U Samla Mixz Samakha (Finance Secretary), U Samla Franklin Syiemiong (President KSU Nongstoin Circle), U Samla Wanbhakupar L. Nonglait (Vice President KSU Nongstoin Circle), U President jong ka KSU Mawliehbah Unit ryngkat ki katto katne ki dkhot jong katei ka Unit bad ka jingïadon ryngkat lang U Asst. Secretary Shnong Mawliehbah. Kum ban shu pynkynmaw ba katei ka longÏing ka mad ia ka jingshah pynjulor ha ka ding kaba klang bad la bamduh ïa ka Ïing ka sem jong ki ha U Bnai Ïaiong mynta u snem. Kumta, katei ka longïing ka la mad ïa ka jingeh kaba khraw namar ka jingbam lut ka ding ia ki jingdonkam hapoh Ïing poh sem bad haduh mynta ki shu hap sah ha iwei i ïingtrep i barit bad i badon tang shikamra. Kane ka long kaei kaei ka ba sngewsih bad i sangsot shikatdei ban sakhi da la ki jong ki khmat bad khamtam eh ha kum kane kapor badang treikam ka khangdam kaba dang khanglad ban ioh leit trei leit ktah khnang ban pyndap ïa ka ïing ka sem.

Haba ai jingkren lyngkot na ka liang U President, u la iawer lang ki kiwei ruh ban iarap lem ia kane ka long ïing khnang ba kan lah ban ïeng biang sashisien, u la kitbok kitwriang ruh ia kane ka long ïing ba kan don hapdeng ka jingkoit jingkhiah bad nangroi nang ïar u tyndum u tyndai nangne sha khmat bad U Blei Trai kynrad Un nangtheh sei ha kane ka ïing. Ka seng kan don lem don ryngkat bad kane ka long ïing na ki sngi sha ki sngi U la pynkut.