Ka KSU ha ka 17 tarik u Jylliew 2023 lyngba ka KSU Nongpoh Circle ba hap haka jingkhmih ka KSU North khasi hills district Unit kala ioh sa ka wei ka shnat treikam ba thymmai ia kaban tip noh kum ka KSU Pahamlapong Pahamsohthri Unit.

Iakane ka lympung pynskhem iakine ki dkhot ba thymmai la shim iaka bynta da u samla Pynkmenlang Sanmit u ba dei ruh u Education Secretary ka KSU Seng Kmie ha ryngkat ka jing don lang u Rangbah Shnong u Bah Mathew Makdoh, ki Nongialam ka KSU North Khasi Hills District Unit ba kynthup naduh u Ferdynald Kharkamni President, Joseph Lambok Rymbai Vice President, James H Mawphniang General Secretary, Vincent Makri Assistant Finance Secretary, John Lyngdoh President Nongpoh circle lem bad ki dkhot ka Nongpoh Circle.

Haba ai kyntu kynpham bad ai mynsiem iaki dkhot ba thymmai ha kane ka sngi, na ka liang u samla Ferdynanld Kharkamni u la pyn kynmaw ba ha ka 17 tarik jylliew ka dei ka lyngkhuh sngi iap jong u Paul Makri u ba na Ribhoi u ba la aiti iala ka jing im ha Nongbah Shillong.

Na ka liang u samla Pynkmenlang Sanmiet u la ai mynsiem ia ki samla ki ba dang pyniasoh thymmai bad ka seng ba ki dei ban ai ka jing iatrei lang bad ki bor shnong bor thaw namar ka jing ieid jaitbynriew kam dei ban leh baheh ha lynti ha syngkien hynrei kidei ban long kiba don akor don burom khnang ban wanrah ia ka shongsuk shongsain bad ban lait na kino kino ki jing shah kynthoh ha ka Imlang sahlang.