La Pynlong iapha Ah! ko Ri Khasi,

La pyn longdoh d'u Lei lum ne puri Blei.

Ah! kat kiba shun ne ba thombor iapha;

Pha pham ju map baroh shirta.

Pha pyrsad mynsiem I'u Khun Bynriew,

Ban lait ka smeh ne ka nemsniew.

Pha hukum I'u Mawbynna ne u Mawbrei;

Jar ki ba tam jingpang ba shyrkhei.

Pha shong ha ki lum, ha sngur ki wahduid,

Pham thiah pham dem lyngwiar pha jylluid.

Pha hukum I'u tynjang ban bthat ne bsut;

Jar u ba shun ne sniew la bret sharud.

Pha hukum ïaka snaiap ne u khla,

Hapoh u bynriew ban im ar bynta.

Mano ban lur ban ap ki lyngkha;

Mynsngi u briew, mynmiet u khla.

Pha hukum I'u thawlang ne ka Iawbei,

Ban da kñia da khriam bad ban nguh blei.

Ban ïoh bor ïoh rong ha khet ki Blei;

Ha u khun Bynriew ban ïoh ka jingaiei.

Pha la hukum ïaki lum bad ki mawsiang,

Ban kohnguh I'u bynriew ha ka kñia ka ksiang.

Ban pynïeng nam ban sakhi ïala ka Ri;

Lyngba ka khniam ban tan d'u jyrmi.

Pha hukum ïaki dieng bad ki mrad khlaw;

Ban ai khubor I'u bynriew ha ba don daw.

Pha hukum ïaki phlang, ki kynbat khlaw;

Ki jingpang kan long dawai ïaka ban law.

Ka mynnor ha u khun Khasi kam synjor;

Ka phyrkhat pyrdaiñ, ka met kam ju tlor.

Ha ki maïa bah jylliew ki ñiamra;

La tip phang ma ba dei ha ka jingshisha.

Ah kipor ki sngi bad ki ïa ki nang iaid;

Ha ka dustur ka la riti la nang ïaid lait.

Ka kyrkhu Blei ka kyrkhu snam kala jah;

Katta nang stad, ka Ri ka nang pjah.

Mynta  byllai ki smeh, wan u nongshun;

Manla ki por jingsniew ki ïai tyllun.

Ah sa lano pat un khie biang u rasong;

Ïala ka Ri sa shisien ban teh song.