Ka khasi Students’ Union (KSU) Central Executive Council, ka pynpaw iaka jingsngewsih kaba khraw, hadien ba la ioh jingtip ba u bah (L) Rana kharkongor bad u Bah (L) R.Waroh Pde kim don shuh ha kane ka sla pyrthei.

Ngin kyrtiang dien ha kaba iadei bad i Bah Rana ka la long shisha ka jingduh kaba Khraw haba kum Jaitbynriew ngi la duh noh sa ia une uwei na ki kaitor ba paw, uba long teng u dkhot ba shit rhem jong ka Seng ha ki snem ki por kiba la leit noh. Ha ka jingshisha ngi dang donkam ia une u Rangbah ban dang synñiang sha ki Khun ka Ri da ki Sur Myllung ki ba kynoi thiah bad pyn kyndit bynriew ia baroh lang. Ngi  dang ap kyrmen ba un dang bteng ban pyn wandur ia ka jinglong jingman jong ka Jaitbynriew lyngba ki sur jingrwai pynban ka la long noh da khongpong namar u Kynrad Nongthaw la ibit ban shim noh ia u haka por kaba baroh ngim shym la poi pyrkhat satia.

Ka jingkhlad noh ka jong une u Rangbah ka long ka jingduh kaba Khraw ym tang iaka Iing ka sem jongu hynrei iaka Jaitbynriew hi baroh kawei bad khamtam ia ka Seng KSU ha kaba ngi dang donkam ia une u Rangbah ba un long u nong ai mynsiem haka jingiaid lynti ban shakri iala ka Ri.

Ka jingrwai “ko Ri ba ieid” kaba une u Rangbah u la thaw bad u la rwai, ka ktik ia ki jingmut jingpyrkhat , namar ki kyntien jong ka jing rwai ki batai iaka jinglong jingman jong ka jaitbynriew bad ha kajuh kapor ka long ka jingkyrsiew ia ki para Ri ban ieng ban da iala ka Ri. 

Ngi dap ruh da ka jingsngewsih ha kaba iadei bad i Bah R.Waroh Pde une ruh u dei u wei na ki Rishot ha ka siaw ka rwai kaba ki kyntien Sneng ha ki sur jingrwai ki dang neh sah haduh mynta mynne. 

Ka Seng ka phah ia u kyrwoh sngewlem sha kiba ha iing ha sem , ki khun ki kti jong kine ki kaitor ba paw, namar ka jingduh noh ia u khlieh jong ka iing.

Ha kaba kum kane ka khyllipmat ngim don kyntien da kum wei pat, hynrei ngin buh ryngkat ha ki jingduwai ba u Blei Trai kynrad un pyntngeh, ban sop ban spaiñ pat ia ki jing pangnud kum ka iing kaba ia kynduh kum kine ki jingjia. 

Kyntang ia wai ai ba ka mynsiem jong kine ki Rangbah kan shong jah thait junom la junom ha ka jaka kaba u Blei u la mang lypa. 

Phi la leit noh na Ngi, hynrei ki Sur Myllung kin phriang Kylleng sawdong ka Ri.

Khublei shibun

Lambokstarwell Marngar

President 

Khasi students’ Union.